Faiq Ağayev: “Sevdiyim insan var”

Xalq artisti Faiq Ağayev ilk dəfə şəxsi həyatından danışıb. Axşam.az-ın məlumatına görə, müğənni açıqlamasında sevdiyi şəxsin olduğunu 

    Xalq artisti Faiq Ağayev ilk dəfə şəxsi həyatından danışıb. Axşam.az-ın məlumatına görə, müğənni açıqlamasında sevdiyi şəxsin olduğunu etiraf edib: “Yatanda hər zaman təkəm. Təklikdən qorxmaq lazım deyil, əksinə onun üstünə atlanmalıyıq. Mən sevməyib yaşaya bilmərəm. Sevgisizlik mənim üçün çətindir. Əlbəttə həyatımda sevgi, sevdiyim insan var. Rəsmiləşdirməyi düşünmürəm. Hazırda yaşadığım münasibət hələ rəsmi ailə adlana bilməz. İnsan bir-birinə öyrəşməlidir. Biz də hələ cavanlıq edirik".

    Əməkdar artist Abbas Bağırovun Türkiyədə gizlin şəkildə evlənməsi ilə bağlı xəbər yayılıb. Müğənni açıqlamasında məsələyə aydınlıq gətirib: “Şəxsi həyatımı qapalı saxlamağı sevirəm. Ailə qurmamışam, amma yaxın günlərdə toy olacaq. Hamı bunu toyumdan sonra biləcək. Mediadan gizlətmək üçün başqa yerdə toy etməyi düşünürəm. Amma bu xarici ölkə deyil. Azərbaycanda elə məkanlar var ki, oranı görən heyrətlənir. Mənim məclisim də o yerlərdən birində baş tutacaq. Heç kimin mənim toyumun günündən, saatından xəbəri olmayacaq”.

    Bu gün meyxanaçı Namiq Qaraçuxurlunun toyudur. Sənətçi məclisin mediaya qapalı keçəcəyini bildirib. O, açıqlamasında qadın və kişi məclisinin ayrı olacağını söyləyib.

    Müğənni Elnarə Xəlilova övladlarından bəhs edib. Üç uşaq anası olan müğənni övladlarına arzularını sosial şəbəkədə bölüşüb: “Onlar həyatımın mənalarıdır. Onlara görə Allaha nə qədər şükür etsəm, azdır. İstəyirəm ki, hər evdən körpə səsi gəlsin, bütün uşaqlar sağlam olsun, ruziləri bol olsun. İstəyirəm ki, heç bir körpə müharibə, savaş, yoxsulluq görməsin”.

 

Əhəd Miriyev

 

MuzTv.az