Aygün Kazımova Natavan Həbibiyə: “Rədd ol, mənim məmləkətimdən, rədd ol!"

Xalq artisti Aygün Kazımova ölkədən çıxmasına qadağa qoyulmasına baxmayaraq, vətəni tərk edərək İstanbula yola düşüb. 

    Xalq artisti Aygün Kazımova ölkədən çıxmasına qadağa qoyulmasına baxmayaraq, vətəni tərk edərək İstanbula yola düşüb. Axşam.az-ın məlumatına görə, Natavan Həbibi isə aralarındakı məhkəmə prosesindən sonra qəbul edilmiş “ölkədən çıxmama” qanunu pozan Aygünə elə sosial şəbəkədəcə ismarış göndərib: “Eşitdim ki, hələ ki qanunun qüvvəyə minməməsindən istifadə edərək ölkədən tez-bazar uçan var. Amma unutmaq lazım deyil ki, hər gedişin bir döünüşü var. Bu, heç kimdə fikir çaşqınlığı yaratmasın. Çünki nə qanun dəyişər. nə də sizin Natavan. İstəyirsən Afrikaya get, istəyirsən Marsa. Yenə də hər bir Azərbaycan vətəndaşı Azərbaycan qanunlarına tabedir”. Çox keçmədən Aygün Kazımova müğənni Natavan Həbibinin sözlərə reaksiya bildirib."Azərbaycanımızın qanunları, hər bir Azərbaycan vətəndaşı üçün qanundur. Elə mən özüm başda olmaqla... Mənə "savadsız" deyənin özü isə savadsızın yekəsidir. Gedin, qanunları yaxşı-yaxşı öyrənin. 30 il heç 30 saniyə də olmadı. Rədd ol, mənim məmləkətimdən, rədd ol!"

    Müğənni İzzət Bağırovun oğlu ilə maraqlı fotoları yayılıb. Sosial şəbəkədə yerləşdirilən fotolarda sənətçi böyük oğlu Əli ilə düzənlikdə yol gedir, otluqda süfrə açıb, bardaş qurub oturublar. Gecce.az xəbər verir ki, bu görüntülər İzzət Bağırovun "Yaradanım" adlanan dini klipindədir. Müğənni bildirib ki, məhərrəm ayında bu klip möminlərə ondan hədiyyə olacaq: "İnşallah bu həftə yeni klipim hazır olur. Məhərrəm ayında bütün möminlərə bu klip hədiyyəm olacaq".

   Modelyer Gülnarə Xəlilovanın həyat yoldaşı İlham İbadovla evliliyinin 22-ci ildönümüdür. Bu barədə modelyer özü məlumat verib. O bildirib ki, bu illər ərzində sevincli və kədərli günlər yaşayıblar: "Buna baxmayaraq, hər zaman bərabər addımladıq. İnşallah, neçə belə gözəl illərə çıxarıq". Qeyd edək ki, G.Xəlilovanın bu evlilikdən Cavid adlı oğlu və Züleyxa adlı qızı var.

   Müğənni Emil Bədəlov burnunu əməliyyat etdirib. İfaçı açıqlamasında tibbi müdaxiləni çəpər əyriliyinə görə etdirdiyini bildirib."Burnumu əməliyyat etdirmişəm. Amma estetik cəhətdən yox. Çəpər əyriliyndən əziyyət çəkirdim. Bu problemin yaratdığı fəsadı aradan qaldırmaq üçün 8-9 il spreylər qəbul etmişəm. Burnumun formasındakı əyriliyə isə toxunulmadı. Özüm estetik əməliyyat istəmədim. Kişinin burnu əyri olar".

 

Əhəd Miriyev

 

MuzTv.az