Lətifə Soyuöz və Elçin Cəfərovun işbirliyi

Müğənni Elçin Cəfərov “Azərbaycan” adlı yeni mahnısını təqdim edib. 

   Müğənni Elçin Cəfərov “Azərbaycan” adlı yeni mahnısını təqdim edib. Axşam.az-ın məlumatına görə, bəstənin sözləri Azər Şirinə, musiqisi ifaçının özünə məxsusdur. Aranjimanını Tərlan Məmmədhüseynovun etdiyi mahnıda E.Cəfərovun vokalistliyini müğənni Lətifə Soyuöz edib.

   Müğənni Röya Ayxan və Rəhim Rəhimli dostluqlarına son qoyub. Röya bu haqda açıqlamasında deyib:“Əvvəlki kimi sıx dostluq ola bilməz. Yaxın dostluq bir dəfə olur. Mən yaxşılığı da, pisliyi də unutmuram. Rəhimi çox istəyirəm. Hansısa hərəkətlərində boşluq buraxıbsa, geri dönüş yoxdur. Görüşürük, danışırıq. Amma “Evimə gəl, axşam oturaq, söhbət edək” halları bitti. Varlı qız olmasam da, dost tərəfdən zənginəm. Üç ildir ki, ətrafımda yeni dostum yoxdur. 10-15 illik dostlarım var. Onlar da aktyor Elşən Orucov və Zamiq Hüseynovdur. Paxıllıqdan heç kimi yaxına buraxmırlar. Dostlarımı qısqanıram. Gedəni isə yola salıram. Münasibətdə olduğum tanışlarım var. Amma evimin içinə ancaq dostlarım girə bilər. Bəziləri var ki, hamı elə bilir dostumdur. Amma onlar mənim olduğum yerə belə girə bilməzlər”.

   Müğənni Zamiq Hüseynov nəhayət subaylığın daşını atıb, ikinci dəfə ailə həyatı quracaq. İfaçı bu haqda açıqlamasında bildirib: "Bəyəndiyim xanım var. Evlənməyin vaxtı çatıb. Amma bir-birimizi daha yaxından tanımaq istəyirik. İnşallah ki, yaxşı olar. Həmin xanım insəcənət aləmindən deyil, tamam başqa sahənin adamıdır. Sənət aləmində başımızı ucaldan yaxşı kişi sənətçi var, toylarına dəvət almışam, inşallah ki, yaxın gələcəkdə mən onları öz toyuma dəvət edərəm".

   Müğənni Günay İbrahim “Günah” adlı yeni mahnısını təqdim edib. Bəstənin sözləri Sənan Mayılova, musiqisi Tərlan Məmmədhüseynova məxsusdur.

 

Əhəd Miriyev

 

MuzTv.az