Şövkət Ələkbərovanın doğum günüdür

Şövkət Ələkbərova 1922-ci il oktyabrın 20-də Bakıda anadan olub. 

    Şövkət Ələkbərova 1922-ci il oktyabrın 20-də Bakıda anadan olub. Asəf Zeynallı adına Musiqi Məktəbində Hüseynqulu Sarabskinin sinfini bitirdiktən sonra səhnə yaradıcılığına başlayıb. 1938-1945-ci illərdə Azərbaycan Dövlət Mahnı və Rəqs Ansamblının solisti olub. 1945-ci ildən etibarən Azərbaycan Dövlət Filarmoniyasının solisti işləyib. 1937-ci ildə bədii özfəaliyyət kollektivlərinin müsabiqəsində iştirak etmiş və öz çıxışı ilə Üzeyir Hacıbəyov, Səid Rüstəmov, Bülbül kimi sənətkarların diqqətini cəlb etmişdir. Opera Teatrında keçirilən yekun konsertdə Şövkət Ələkbərova "Qarabağ şikəstəsi"ni oxumuş və Fatma Mehrəliyeva və Gülağa Məmmədovla birlikdə ilk üçlüyə daxil olmuşdur. Bu müsabiqə Şövkət Ələkbərovanın peşəkar musiqi sənətinə gəlişinin əsasını qoydu. 1945-ci ildən Filarmoniyanın solisti kimi işə başlayan Şövkət Ələkbərovanın ifasında səslənən xalq mahnıları, muğamlar, bəstəkar mahnıları Azərbaycanda çox böyük məşhurluq qazanmışdır. SSRİ-nin bir çox şəhərlərində, Fransa, İsveçrə, Şri-Lanka, Əfqanıstan, Hindistan, Misir, Əlcəzair, İran, Türkiyə, Polşa və digər xarici ölkələrdə uğurla çıxış edən Şövkət Ələkbərovanın repertuarına Segah, Qatar, Şahnaz kimi muğamlar, Azərbaycan bəstəkərlarının və Orta Şərq xalqlarının mahnıları daxil idi. Şövkət Ələkbərova 1993-cü ildə 70 yaşında dünyasını dəyişib.

    Müğənni Röya Ayxan “Kesin bilgi” adlı klipində linza taxması ilə bağlı sualları cavablandırıb.  Axşam.az-ın məlumatına görə, sənətçi gözlərinin təbii halda olduğunu deyib: “Hər kəs, hətta dostlarım belə gözümdə linza olub-olmadığını soruşurlar. Hər kəsə bu cür cavab verirəm: “Gözlər qəlbin aynasıdır. Onlar hər zaman düzünü deyəndilər”. Mən gözlərimi heç kimdən gizlətmirəm. Sadəcə, klipdə onlara işıq veriblər. Mən bu Röyanı sevirəm. Hamı “Kesin bilgi”ni izləyəməyə davam edir. Bu da qürur vericidir”.

    Müğənni Lətifə Soyuöz “Pusula” adlı yeni mahnısını və fotosessiyasını təqdim edib. 

Sənətçi açıqlamasında bəstənin sözlərinin türkcə yazıldığını bildirib: “Uzun müddətdir bu mahnı üzərində çalışıram. Nəhayət, işıq üzü gördü. “Pusula” kompas deməkdir. Kompas çalışmadığı zaman səhv yön göstərir ki, bu da "pusula" adlanır. Əminəm ki, insanlar dinlədiyi zaman çox bəyənəcəklər. Bu mahnı insanları düşüncələri ilə uzaqlara aparacaq”.

    Müğənni Gülay Zeynallı ailəsi ilə şəhər gəzintisinə çıxıb. Sənətçi həyat yoldaşı Kamil Zeynallı və qızı Sahilə ilə fotosunu sosial şəbəkədə paylaşıb.

 

Əhəd Miriyev

 

MuzTv.az