Əməkdar artist Tünzalə Ağayeva 39 yaşını qeyd edir

Bu gün əməkdar artist Tünzalə Ağayevanın ad günüdür. Müğənni 39 yaşını qeyd edir. 

    Bu gün əməkdar artist Tünzalə Ağayevanın ad günüdür. Müğənni 39 yaşını qeyd edir. Təəssüratlarını bölüşən ifaçı bunları deyib:“Mən Zemfira xanımın, Qabil bəyin övladı, Hüseyn və Zamiqin bacısı, Fidanın anası, dostlarımın dostu, məmləkətimin Tünzalə Ağayevası olduğum üçün Rəbbimə sonsuz həmd olsun. Doğmalarım, dostlarım, sizi sevirəm. Yaşadığım müddətcə də sevəcəm”. T.Ağayeva 1976-cı ildə Tovuz şəhərində anadan olub. O, Tovuzda musiqi məktəbinin piano sinfini bitirib və daha sonra təhsilini Gəncə şəhərində Qəmbər Hüseynli adına musiqi texnikumu fortepiano sinfində davam etdirib. O, həm də Üzeyir Hacıbəyov adına Dövlət Musiqi Akademiyasında bəstəkarlıq dərsləri alıb. T.Ağayeva hələ 12 yaşındaykən Azərbaycanın görkəmli şairi Səməd Vurğunun sözlərinə “Sən o deyilsən” adlı ilk mahnısını bəstələyib. Azərbaycan Respublikası Prezidenti İlham Əliyevin 16 may 2006-cı il tarixli Sərəncamı ilə "Əməkdar artist" fəxri adına layiq görülüb.

    Əməkdar artist Lalə Məmmədova rusiyalı ifaçı Nikolay Baskovla fotosunu paylaşıb. Axşam.az-ın məlumatına görə, tanınmışlar Moskvada toy məclisində bir araya gəliblər. L.Məmmədova şəklə “Kolya hamınıza salam dedi” şərhini yazıb.

    Müğənni Röya Ayxan onu qıcıqlandıran hallardan danışıb. İfaçı açıqlamasında bunları bildirib. “Həkimə gedəndə qıcıqlanıram. Hamı bir-birinə zəng edir ki, “Röya həkimdədir”. Saç ustam belə mənə zəng vurur, soruşur ki, “Nə olub?”. Deyirəm, “Mən də insanam, canım ağrıya bilər”. Paltar mağazasına getmirəm. Çünki həmişə almayıb, qayıdıram. Ona görə də evimə gətirirlər. Nəsə alsam da, onu geyinib baxmıram. 36 ölçüdə götürüb, evə gətirirəm. Böyük olanda isə hədiyyə verirəm. Diqqətdə olmağımın səbəbi dostlarımdır. Qulaq asmağı sevənəm”.

    Meyxanaçı Namiq Qaraçuxurlu sevənlərinə söz verib. Bu yaxınlarda özünə toy edən sənətçi bundan sonra sənəti ilə ciddi məşğul olacağını deyib: “Paylaşdığım fotoda yazılan şərhləri oxudum. Çox qürurlandım. Demək olar ki, 1 dənə də olsun neqativ sözlə rastlaşmadım. 36 yaşıma qədər bütün fikirlərim sənətimlə bağlı olub. İnsanların xoş günümə bu qədər sevinməsini görəndə, başa düşürəm ki, bunlar əbəs deyilmiş. Sizin bu səmimi sevginiz, mənə belə doğma yanaşmağınız ikiqat xoşbəxtlikdir. Söz verirəm, bundan sonra sənətimə daha məsuliyyətli yanaşacam. Sizlərə xoş sözləriniz üçün minnətdaram”.

 

Əhəd Miriyev

 

MuzTv.az