Afaq Bəşirqızının atası ilə xəyali dialoqu

Xalq artisti Afaq Bəşirqızının Mərdəkan Mədəniyət Sarayında 60 illik yubiley tədbiri reallaşıb. 

   Xalq artisti Afaq Bəşirqızının Mərdəkan Mədəniyət Sarayında 60 illik yubiley tədbiri reallaşıb. Bəşirqızı doğum gününü masa başında, ziyafət verərək deyil, sevənlərinə “Toya bir gün qalmış” tamaşasını nümayiş etdirərək keçirib. Tədbirin təşkilatçısı, Bakı Mədəniyyət və Turizm İdarəsinin rəisi Əlikram Əliyev  Afaq Bəşirqızına olan ürək sözlərini dilə gətirib və onu xalqımızın əsl sənətkarı adlandırıb. Xalq artisti xoşbəxt sənətkar olduğunu söyləyərək, dünyada hər bir xalqın öz mədəniyyəti ilə tanındığını bildirib. Peşəkar aktrisanın həmkarlarına məsləhəti də var.

Sadəliyi ilə seçilən sənətkar xalqını təbəqələrə ayırmayaraq, hər kəsin sevgisinin onun üçün eyni olduğunu söyləyib. Afaq Bəşirqızı atası, xalq artisti Bəşir Səfəroğlu ilə xəyali dialoqunu da səsləndirib. Sən demə, Bəşirqızı ona verilən bütün gül dəstələrini atasının qəbrinin üstünə qoyurmuş. Sonda isə xalq artisti ən böyük arzusunun yubileyini Qarabağda qeyd etmək olduğunu qeyd edib.

 

Rəvan Nasiroğlu

Elfaq Lələyev           

 

Muz-Tv.az