Tolik küsülü olduğu Röya Ayxandan yazdı

Prodüser Tolik uzun müddətdir küsülü olduğu müğənni Röya Ayxandan yazıb.

   Prodüser Tolik uzun müddətdir küsülü olduğu müğənni Röya Ayxandan yazıb.Axşam.az-ın məlumatına görə, o, sənətçinin yeni “Kesin bilgi” klipini paylaşaraq, onun 2 milyon dəfə izləndiyini vurğulayıb: “Uğur bir insanı izləyirsə, ona yalnız sevinmək lazımdır. Bunu paylaşmağımın məqsədi odur ki, 10 gündə 2 milyon baxış var. Deməli, insanların marağındadır. Onsuz da müğənni bəyənilirsə, seviləcək. Amma aşağıda “bəyənmirəm” qoyan o 2 min insan elə qurd kimi də qalacaq. Bunu tək Röya üçün demirəm, müğənnilərimizin çoxu çalışır ki, nəsə təqdim etsinlər. Amma bəzi həyatda heç nəyə nail olmayanlar ya girib pis söz yazar, ya da “bəyənmirəm” qoyar”.

   Müğənni Ayan Babakişiyeva həmkarı Nadir Qafarzadə ilə duet şəklində oxuduğu “Xəyanətkar” adlı duetini təqdim edib. 
Bəstənin müəllifi İlknuridir. A.Babakişiyeva ikinci duetlərinin də maraqlı alındığını bildirib: “Yenidən bir araya gəlməyimiz yaxşı oldu. Gözəl iş ərsəyə gəldiyini düşünürəm. Nadir mənim duet ortağımdan əlavə, həm də yaxın dostumdur. Onunla işbirliyimiz bununla bitmir. Gözləməyə dəyər”. Duet barədə müğənni N.Qafarzadə də fikirlərini bölüşüb: “Ayanla birgə ifa etdiyimiz “Sənin üçün” mahnısı çox sevildi və deyərdim ki, “Youtube” şəbəkəsində yaxşı baxış sayı yığdı. Həmin mahnını 2013-ci ildə oxumağımıza baxmayaraq, hələ də dinlənilir. İnanıram ki, “Xəyanətkar” da onun qədər seviləcək”.

    Müğənni Samira Allahverdi “Vəfasız həyat” adlı yeni mahnısını təqdim edib. Bəstənin söz, musiqi və aranjimanı Muxtar Abseynova məxsusdur. Mahnısından danışan S.Allahverdi insanların vəfasızlığından şikayətlənib:“Əslində insanlar vəfasızdır. Zamana uyğun bir mahnı yazdırdım. Dünyada, insanların həyatında baş verən hadisələr məni çox sarsıtdı”.Yeniliklərindən söz açan S.Allahverdi “Çarəsizəm” adlı mahnısına çəkdirdiyi klipini yaxın günlərdə təqdim edəcəyini bildirib.

    Müğənni Xatirə İslam həyat yoldaşı Fəxrəddin və oğlu Emillə Novosibirskə gedib.Sənətçi gəzinti zamanı çəkdirdiyi fotoları sosial şəbəkədə paylaşıb. Qeyd edək ki, X.İslam bir neçə gün əvvəl övladının ürəyində problem olduğunu və əməliyyat ediləcəyini bildirmişdi.

 

Əhəd Miriyev

 

MuzTv.az