Ebru Gündeşin Rza Zərrabdan boşanacağı yenidən gündəmə gəlib

Həyat yoldaşı Rza Zərrabdan boşanacağı iddia edilən müğənni Ebru Gündeş dünən paparassilərin hədəfinə düşüb.

    Həyat yoldaşı Rza Zərrabdan boşanacağı iddia edilən müğənni Ebru Gündeş dünən paparassilərin hədəfinə düşüb.Axşam.az-ın Türkiyə mediasına istinadən məlumatına görə, o, ailə vəkilinin yanından çıxarkən jurnalistlərlə qarşılaşıb. Müğənninin barmağında üzüyün olmaması da yenidən boşanma xəbərlərini gündəmə gətirib. Ailə vəkiliylə təxminən yarım saatlıq görüşdən sonra ofisdən çıxan Ebru verilən suallara həmişəki kimi "lazımsız xəbərlərə cavab verəcək vaxtım yoxdur" deyib. Ulduz ifaçının ayağındakı "Alexander Wang" imzalı, qiyməti 675 dollar olan çəkmələr də diqqətdən yayınmayıb. Qeyd edək ki, son zamanlar E.Gündeş və azərbaycanlı iş adamı R.Zərrabın boşanacağı haqda dedi-qodular medianın gündəmindən düşmür.

    Hollivud ulduzu Corc Kluni vəkil həyat yoldaşı Amal Kluni ilə birlikdə siyasi xadim Devid Milibandla nahar edib. Sənətçiylə xanımı qonaqları ilə birlikdə restorandan çıxarkən obyektivlərə tuş gəlib. Beverli-Hillzdə bir araya gələn cütlük səmimi davranışları ilə diqqət çəkib.  Ağ libas geyinən Amal açıq-qəhvəyi ayaqqabıya və yaşıl çantaya üstünlük verib. C.Kluni isə kostyumda olub.

    Müğənni Atiyənin həmkarı Hadisədən dörd dəfə az məbləğə razı olduğu reklamı işıq üzü görüb. İfaçı “Penti” corab firmasının reklamına çəkilib. Daha əvvəl firmanın siması olan Hadisə reklamlarda 814 min manata yer almağa razılıq versə də, Atiyə bu məbləğin dörddə biri qədər - 181 min manata qane olmuşdu. 

    Aktyor Şahan Gökbakarın 35 yaşı tamam olub.Aktyor ad gününü 9 aylıq hamilə həyat yoldaşı Selin Ortaçlı və ailə üzvləri ilə keçirib. Şahan ad günü münasibətilə bişirilmiş tortun şamını üfləyərkən çəkilmiş şəklini İnstaqram səhifəsində paylaşaraq belə bir romantik günə görə hər kəsə təşəkkürünü bildirib: “Bütün sevdiyim insanlar üçün 3 şey arzuladım. Nə olduğunu deməyəcəyəm, amma ürəyim təmizdir, mütləq gerçəkləşəcək. Bu mükəmməl gecə üçün dəyərli həyat yoldaşıma təşəkkür edirəm və milyonlarla sevənlərimə minnətdaram”. 

 

Əhəd Miriyev

 

MuzTv.az