Aygün Kazımova yenidən dəyişdi

Xalq artisti Aygün Kazımova saç rəngini yenidən dəyişib. 

    Xalq artisti Aygün Kazımova saç rəngini yenidən dəyişib. Axşam.az-ın məlumatına görə, bir müddət əvvəl saçlarını göy rəng edən müğənni bu dəfə onları qəhvəyiyə boyayıb. 
Yeni görünüşdə şəklini İnstaqram səhifəsində paylaşan A.Kazımova hava limanında olduğunu və ölkəni tərk etdiyini vurğulayıb.

   Əməkdar artist Aybəniz Haşımova arıqlayıb. Müğənni bu haqda açıqlamasında xəbər verib. O, bu yaxınlarda ürəyində problem yarandığını və buna görə həyəcanlandığını bildirib: “Xəstəliyin bir xeyri oldu ki, yaxşıca arıqladım. Hamı elə bilir ki, plastik əməliyyat etdimişəm. Bu söz məni narahat edir. Mən plastik əməliyyatdan qorxuram. Xəstələnməyim ağır hadisə idi. Çox qorxdum. Yaxşı ki ölmədim. Ürəyimdə narahatçılıq oldu, təzyiqim yüksək idi. Ciddi bir şey yox imiş. Həkimin müdaxiləsindən sonra ayağa qalxdım”.

   Müğənni Röya Ayxan oğlu Hüseynin oktyabrın 25-də olacaq ad gününü indidən qeyd edib. Sənətçi övladına təhsil aldığı liseydə şənlik keçirib. Özünün də qatıldığı tədbirdən fotolarını paylaşan R.Ayxan oğlunun ondan küsdüyünü də vurğulayıb:“Yarış keçirdilər, məndən soruşdular, qızları qalib etdim. Oğlum məndən küsdü. Amma qadın həmrəyliyi deyilən bir şey var, oğlum, böyük olanda anlayarsan”.

   Müğənni Nadir Qafarzadə keçmiş günlərini xatırlayıb. Sənətçi həyat yoldaşına olan sevgisini dilə gətirib:“Vaxt var idi mənə deyirdilər ki, “Sən kimsən?”. Deyirdim, “Heç kim, adi Allahın yaratdığı biri”. İllər ötdü, mən tanınmış müğənni oldum, bu günə gəlib çatdım. Məni qınayan insanla üz-üzə gəlib, həmin sözlərini xatırlatdım. Amma boynuna qoya bilmədim. Hər zaman sadə biri kimi davranmağa çalışmışam. Həyat yoldaşım da mənə dəstək olur. Hərdən ona sual verirəm ki, “İndiki halımda sənə elçi gəlsəydim, razılaşardın?”. Cavab verir ki, “Yox. Bezmişəm evdə tapılmamağından”. Amma bilirəm ki, zarafat edir”.

 

Əhəd Miriyev

 

MuzTv.az