“007:Spektr” – ın premyerası keçirildi

“Ceyms Bond” seriyasının çoxdan gözlənilən “007:Spektr” filmi dünya ekranına çıxır. 

   “Ceyms Bond” seriyasının çoxdan gözlənilən “007:Spektr” filmi dünya ekranına çıxır. Axşam.az “Dailymail”ə istinadən xəbər verir ki, Londonda payız kino mövsümünün ən çox gözlənilən hadisəsi baş tutub: “007 Spektr”in premyerası keçirilib. Gecəyə dünya ulduzları ilə yanaşı, baş rol ifaçıları – Deniel Kreyq, Monika Belluççi, Lea Seydu qatılıblar. Qırmızı xalıda poz verən qəhrəmanlar media nümayəndələri ilə yanaşı, qonaqların da diqqət mərkəzində olublar. Qeyd edək ki, “007:Spektr” filminin çəkilişləri bir neçə ölkədə - İngiltərə, İtaliya, Avstriya, Meksika və Marokkoda aparılıb.

   "Vogue" jurnalının Koreya buraxılışında uz qabığının bu dəfəki qonağı model Rozi Hantinqton-Uaytli olub.28 yaşlı Rozi məşhur moda fotoqrafı Sebastyan Kimin obyektivi qarşısına keçib. Öz adına alt paltar markası olan britaniyalı model fotosessiyada "Burberry"dən geyinib. O, bəzi fotoları İnstaqram hesabından paylaşıb.

   "Athena" qrupunun solisti Gökhan Özoğuz ikinci dəfə ata olur."O səs Türkiyə" yarışmasında üç ildir münsif kürsüsündə əyləşən müğənninin həyat yoldaşı Melis Ülke əkiz uşaqlara hamilədir. Qeyd edək ki, cütlük 2012-ci ildə ailə qurub. Onların 2 yaşlı qızları var.

    Aktrisa Pelin Karahan ana olduqdan sonra uzaqlaşdığı serial sektoruna geri dönür. O, qadın zorakılığı mövzusunda olan psixoloji serialın təklifini qəbul edib. 31 yaşlı aktrisa iki illik fasilədən sonra çəkiləcəyi ilk layihənin ssenarisini çoxlu təklif arasından seçdiyini, oxuduqdan sonra fərqli olduğu üçün bəyəndiyini deyərək baş rola razılıq verib. Pelin baş rolu Yurdaer Okurla paylaşacaq. Ekran işinin rejissoru isə Tarkan Karlıdağ olacaq. Çəkilişlər yaxın günlərdə start götürəcək.

 

Əhəd Miriyev

 

MuzTv.az