“Natiq” ritm qrupu Amerikanın 45 ştatında konsert vermək təklifi alıb

Əməkdar artist Natiq Şirinov "Natiq" ritm qrupu ilə Macarıstana gedib. 

   Əməkdar artist Natiq Şirinov "Natiq" ritm qrupu ilə Macarıstana gedib. Axşam.az-ın məlumatına görə, nağara ifaçısı açıqlamasında 194 ölkənin yer aldığı festivalda çıxış etdiyini bildirib: "İlk dəfə 194 dövlət üzrə ümumdünya festivalına qatıldım. Maraqlısı odur ki, bu ölkələrdən yalnız 40-na çıxış verilmişdi. Onlar arasında biz də olduq. 100-dən çox musiqi menecerləri var idi. Kim nə hünər göstərirdi, qazanırdı. Məsuliyyətli iş idi, Azərbaycanı dünyada təmsil edirdim. Bu uğuru ilk Alim Qasımov qazanıb. 45 dəqiqə çıxış etdim. Ondan sonra Amerikanın 45 ştatında və Hindistanda konsert vermək təklifi aldım".

   Müğənni Röya Türkiyənin ən məşhur şoularından olan "Beyaz Show"da qonaq olub.Aparıcı Beyazit Öztürkün "Azərbaycanın Rihannası" kimi təqdim etdiyi Röya proqrama Moskvadan olan rəqqasələrlə gəlib.O, bu yaxınlarda Türkiyə layihəsi üçün təqdim etdiyi "Kesin bilgi" mahnısını ifa edib.

   Aktyor Müşviq Şahverdiyev "My name is İntiqam" filminin davamını çəkəcək. O, bu haqda açıqlamasında deyib: "Filmin 3, 4 və 5-ci hissəsini çəkəcəyik. Ondan sonrasını fikirləşərik". M.Şahverdiyev ediləcək tənqidlərə də münasibət bildirib:"Birincidə çox tənqid olundu. İkinci də birmənalı qarşılanmayacaq. Hərə bir söz deyəcək. Bu uğurumuzla barışmayanlar nə qədər pisləyəcəklərsə, biz bir o qədər öz işimizi görəcəyik".

   Müğənni Xatirə İslam ailəsiylə birlikdə Novosibirskiyə yollanıb. İfaçı oğlu Emillə birlikdə getdiyi gəzintidən şəkilləri sosial şəbəkədə paylaşıb.

 

Əhəd Miriyev

 

MuzTv.az