DiKaprionun bənzəri: “İtaliyada dincələrkən əsl ulduz həyatı yaşadım”

Dünya hazırda isveçli Konrad Anneurdun Hollivud ulduzu Leonardo DiKaprioya 90-cı illərdəki bənzərliyindən danışır. 

     Dünya hazırda isveçli Konrad Anneurdun Hollivud ulduzu Leonardo DiKaprioya 90-cı illərdəki bənzərliyindən danışır.  Axşam.az xarici mətbuata istinadən xəbər verir ki, 21 yaşlı gənc, aktyorun “Romeo və Cülyetta”, “Titanik” filmlərində yaratdığı obrazın eynisidir. Modelliklə məşğul olan Konrad eyni zamanda barmenlik edir. İnstaqramda 56 mindən çox izləyicisi olan gənc insanların çox zaman onu öz adı ilə deyil, “Leo” deyə səslədiklərini bildirib. Konrad özü də Hollivud ulduzuna bənzəməkdən narazı deyil: “İtaliyada dincələrkən əsl ulduz həyatı yaşadım. Ətrafdakı insanlar məni “Leo” deyə çağırır, mənimlə şəkil çəkdirirdilər. Bu, inanılmaz idi”.

   Popun kralı Maykl Ceksonun ölümünün arxasındakı sirr hələ də tam açılmayıb. Radio aparıcısı Erhan Konuk maraqlı iddia irəli sürüb. O, 2009-cu ildə 51 yaşında dünyasını dəyişən popçunun biletləri satılan 50 konsertinə "yox" deməsinin ardından ölməsini şübhəli adlandırıb.
Xatırladaq ki, Ceksonun ölümündən sonra həkimi həbs olunmuşdu. E.Konuk isə bunları deyib: "Ölmədən əvvəl müğənninin Böyük Britaniyada 30 konsert verməsi üçün müqavilə bağlanmışdı. Ancaq sənətçi "ard-arda bu qədər çox konsert verə bilmərəm" demişdi. Bundan sonra konsertlərin sayı bir az da artıb 50 oldu. Maykl isə bunun mümkünsüz olduğunu deyirdi. Ardından bir anket hazırlanmışdı. İnsanlardan "nə baş versə, Maykl Ceksonun konsertinin biletlərini qaytarmazsınız" sualı soruşuldu. 80 faiz insan "yalnız ölsə, biletin qaytarılmasını tələb etmərik" cavabını verdi. Bilet satışından milyonlar qazanıldığı üçün təşkilatçılar üçün yalnız bu yol sərfəli idi. Və iyunun 25-də Mayklın ölüm xəbəri gəldi. Məncə, onu öldürdülər".Qeyd edək ki, hətta M.Ceksonun ölmədiyi, konsetlərdən imtina etdiyi üçün borcları qaytarmamaq üçün gizləndiyi iddiası da var.

    İngilis müğənni Robi Uilyams aldığı yeni malikanəsi ilə gündəmdədir. 41 yaşlı ifaçı yeni evi üçün 38 milyon dollar ödəyib. Lakin işin maraqlı tərəfi, mülkün qiymətində yox, hamamlarının sayındadır. Ayda Fildlə ailəli olan 2 uşaq atası Robinin malikanəsinin, düz, 22 hamamı var. Bu xəbər sosial şəbəkə istifadəçilərinin lağ hədəfinə çevrilib. Beverli-Hillzin bahalı səmtlərindən birində yerləşən evin 10 yataq otağı, tennis meydançası, hovuzu, idman zalı var. 

   "Möhtəşəm yüz il" serialında bir yerdə çəkilən Məryəm Üzərli və Ozan Güvenin yeni filmi artıq tam hazırdır. Serb ər-arvadı canlandıran cütlüyün baş rolda olduğu film 60 fərqli məkanda 45 günə çəkilib. "Annemin yarası" adlanan ekran işi fevralda təqdim olunacaq.

 

Əhəd Miriyev

 

MuzTv.az