Xalq artisti Habil Əliyevin xatirə gecəsi keçiriləcək

Beynəlxalq Muğam Mərkəzində görkəmli kaman ustadı, Azərbaycanın xalq artisti Habil Əliyevin xatirə gecəsi keçiriləcək.

    Beynəlxalq Muğam Mərkəzində görkəmli kaman ustadı, Azərbaycanın xalq artisti Habil Əliyevin xatirə gecəsi keçiriləcək. Bu barədə Axşam.az-a Beynəlxalq Muğam Mərkəzindən məlumat verilib. Xatirə gecəsi noyabrın 13-də saat 19.00-da keçiriləcək.
Mərasimdə Habil Əliyevin sənət dostları, ailə üzvləri, elm və mədəniyyət xadimləri iştirak edəcək.  Xatırladaq ki, Habil Əliyev sentyabrın 8-də dünyasını dəyişib.

    Uzun müddətdir küsülü olan müğənni Natavan Həbibi və prodüser Tolik Kislovodskdə bir araya gəlib. Orada barışan tanınmışların birlikdə fotoları sosial şəbəkədə yayılıb. Tolik barışmaları ilə bağlı xəbəri İnstaqram səhifəsində yazıb:"Bildiyiniz kimi bir neçə gündür, mən Azərbaycanda deyiləm. Qərib ölkədə aylardır, münasibətimiz anlaşılmaz olan Natavan Həbibi ilə görüşdük, danışdıq və bu söz-söhbətə son qoymaq qərarını verdik. Bir etiraf etmək istəyirəm ki, mən onun ailəsində aylardır, narahatlıq yaratmışam. Bizim barışığımızı kimlərsə nəyəsə yozmasın. Xüsusi olaraq vurğulamaq istəyirəm ki, bu barışıq nə Aygün xanıma görədir, nə də başqa bir adama görə... Bundan sonra kimlərinsə davasında adımın hallandırılmasına şərait yaratmayacağam”.

    Müğənni Nadir Qafarzadə özünə qadağa qoyub. Sənətçi açıqlamasında qalmaqaldan uzaq olduğunu bildirib:“Son zamanlar sakitləşmişəm. Hər verilişə getmirəm. Özümə qadağa qoymuşam. Əvvəlcə maraqlanıram, “efirdə kim olacaq, mövzu nədir?”. Düşünürəm ki, düzgün yoldayam. Mən hər bir halımla sevilirəm. Sakit olanda da insanlara başqa cür şirin gəlirəm. Məni yaşlı nəslin nümayəndələri də sevir. İndi heç kimə qalmaqal lazım deyil. Gərək elə sanballı qalmaqal edəsən ki, baxılsın. Əvvəl Faiq Ağayev, Zülfiyyə Xanbabayeva, Aygün Kazımova gəldi. Onlardan sonra bizim nəsil gündəmdə oldu. Bizdən sonrakılar isə heç nə edə bilmədi. Hamısı təkrarçılığa başladı. Təkrarçılıqla isə heç nə əldə etmək olmur. Yenilik lazımdır".

    Əməkdar artist Aybəniz Haşımovanın qızı Aynişan Quliyeva “O səs Türkiyə” yarışmasına qatılıb. Verilişin bu həftəki reklam çarxında görünən Aynişan münsifləri heyrətləndirib. O, hətta münsif kürsüsündə əyləşən ifaçı Murad Bozla “Gəl ey səhər” mahnısını da duet şəklində səsləndirib. Verilişin sözügedən bölümü bu həftə yayımlanacaq. 

 

Əhəd Miriyev

 

MuzTv.az