Ledi Qaqa bu dəfə eynəyi ilə diqqət çəkdi

Müğənni Ledi Qaqa bu dəfə də medianın gündəminə çevrilməyi bacarıb. 

   Müğənni Ledi Qaqa bu dəfə də medianın gündəminə çevrilməyi bacarıb. Axşam.az xarici mətbuata istinadən xəbər verir ki, 29 yaşlı ifaçı oteldən çıxarkən paparassilərin hədəfində olub. Ağ-qara rənglərə üstünlük verən Ledi Qaqa bu dəfə açıq-saçıq geyimi ilə deyil, eynəyi ilə diqqət çəkib. Şüşəsinin biri olmayan eynək taxan ifaçı otelin yaxınlığına toplaşmış insanların gülüşünə səbəb olub.

   Keçən ay üç illik fasilədən sona ilk mahnısını təqdim edən və bir həftə ərzində milyon nüsxədən çox satılaraq tarixə düşən Adele plaqiatlıqda ittiham olunur."Hello" ("Salam") mahnısı ilə karyerasına yenidən start verən britaniyalı ifaçının bu mahnının sözlərinin və mövzusunun əfsanəvi müğənni Tom Uaytsın "Martha"sı ilə eyni olduğunu deyirlər. Sosial mediada müzakirələrdə də insanların bir qismi belə bir iddianın gülünc olduğunu söyləyirlər. Qeyd edək ki, Adelin prodüseri Qreq Kerstin müğənninin T.Uaytsdan ilham aldığını demişdi.

   Britaniyalı dizayner Viktoriya Bekhem “Walpole British Luxury Awards 2015” mükafatlandırma mərasiminə qatılıb. 41 yaşlı dizayner hər zaman olduğu kimi, geyimi ilə diqqət mərkəzində olub. Viktoriya Londonda otellərdən birində baş tutan gecəyə qızılı parçadan hazırlanmış uzun libasda qatılıb. V.Bekhem geyimini qara ayaqqabı və qol saatı ilə tamamlayıb. Qeyd edək ki, keçmiş futbolçu Devid Bekhemlə ailəli olan Viktoriya Bekhem 4 uşaq anasıdır.

   Müğənni Seda Sayan dünən sevgilisi Erkan Çelik, yaxın dostu, həmkarı Emel Müftüoğlu ilə restoranlardan birində görünüb.Çeliklə kəbin kəsdirdiyi deyilən Seda bununla bağlı suallara cavab verməyib. Lakin barmağındakı brilyant üzük diqqətdən qaçmayıb. Qeyd edək ki, 2011-ci ildə sosial şəbəkə ilə S.Sayanla tanış olan Erkan İstanbula köçərək burada yaşamağa başlayıb. Bundan əvvəl 6 dəfə evlilik həyatı yaşayan müğənninin bir oğlu var.

 

Əhəd Miriyev

 

MuzTv.az