Adel: “Çılpaq çəkilmək üçün təklif göndəriblər”

Britaniyalı müğənni Adelin səhnəyə qayıdışı ona olan tələbatı da artırıb.

   Britaniyalı müğənni Adelin səhnəyə qayıdışı ona olan tələbatı da artırıb.Axşam.az-ın xarici KİV-ə istinadən məlumatına görə, karyerasına üç il fasilə verən müğənni "Rolling Stone" jurnalına müsahibəsində maraqlı məqamlar açıqlayıb: "Mənə dəfələrlə "Playboy"a çılpaq çəkilmək üçün təklif göndəriblər. Bu gülməlidir... Yəqin ki, kök olduğum üçün diqqət çəkəcəyimi fikirləşiblər. Bunu qəbul edə bilmərəm. Arıq olsaydım da çılpaq fotosessiyada iştirak etməzdim. Çünki o zaman digər müğənnilərə bənzəyəcəyəm. Tənqid olunan birinə çevrilmək istəmirəm. Ona görə də heç vaxt sinəmi göstərməyəcəyəm".

   Fələstinli model Cici Hadid müğənni sevgilisi Co Conasdan ayrılıb. Tanınmış cütlük 5 aylıq romantik münasibətinə son qoyub. Cici ilə Conun ayrılmasına səbəb kimi isə gərgin iş qrafiki göstərilir. Cütlüyə yaxın mənbə açıqlamasında “Bu ayrılıq onların çox işləməsi üzündən oldu. Onlar dost olaraq qalmaq qərarına gəliblər” deyib.

   Rejissor Ferzan Özpetek Napolidə səhnəyə opera qoyub.Açılışa aktrisa Tuba Büyüküstün də qatılıb. Özpeteyin martda çəkilişlərə başlayacaq filmində baş rolu öhdəsinə götürən Büyüküstün opera gecəsinin möhtəşəm olduğunu deyib. O, həftəsonu Vatikanda beynəlxalq "Giuseppe Sciacca" mükafatlandırma tədbirinə qatılacaq. Aktrisa Vatikanın ona niyə mükafat verəcəyini hələ də başa düşmədiyini etiraf edib: "Vatikanda mükafat almaq çox qürurvericidir. Amma məni haradan tanıyırlar, niyə mənə mükafat verirlər? Bunları hələ də başa düşə bilmirəm".

    Berlində məşhur “Aclıq oyunları: zığ-zığ masqaraçı. II Hissə” filminin dünya premyerası keçirilib. Təqdimatda filmin baş rol oyunçuları Cennifer Lourens, Liam Hemsvort, Elizabet Benks və digər ulduzlar iştirak ediblər. Gecədə Cennifer dekolteli libası ilə diqqət çəkib. Aktrisa əyilib-qalxarkən sinəsinin görünməməsinə çalışıb.

 

 

Əhəd Miriyev

 

MuzTv.az