Sibel Can Bakıda konsert verdi

Türkiyəli müğənni Sibel Can ötən gün Bakıda konsert verib. 

    Türkiyəli müğənni Sibel Can ötən gün Bakıda konsert verib. Axşam.az-ın məlumatına görə, paytaxt məkanlarının birinin açılış mərasimində iştirak edən ifaçı gecədə sevilən mahnılarını səsləndirib.  İfaçı gecədə iki libas dəyişib. Sibel Can sinə dekolteli geyimi ilə diqqət çəkib.

   Müğənni İzzət Bağırzadə "Yaradanım" mahnısına çəkdirdiyi son klipində övladı ilə kamera qarşısına keçməsini tənqid edənlərə cavab verib. O, açıqlamasında bunları bildirib:  "Oğlan uşağı olduğu üçün övladımı klipimdə göstərmişəm. Qız uşağını heç vaxt klipimdə göstərmərəm. Bəziləri də klip haqda  başqa fikirlər yazırlar. O qədər dar düşüncəli adamlar var ki. Biri də sosial şəbəkədə yazıb ki, heç olmasa,  stəkanı sol yox, sağ əlində tutardın. Mən solaxayam".

   Müğənni Günay İbrahimli şəxsi həyatından danışıb.O,açıqlamasında bunları bildirib: “Həyatımda biri var. Hər şey də gözəldir. Bu haqda çox danışmaq istəmirəm. Bircə onu deyim ki, əladır”. Müğənni solo konsert verəcəyini də bildirib: “Konsert hazırlıqlarım başlayıb. Ən böyük arzularımdan biri Heydər Əliyev Sarayında çıxış etməkdir. Ona doğru gedirəm".

   Müğənni Lətifə Soyuöz yerli mükafatlandırma mərasimlərindən şikayətlənib. İfaçı mahnılarının xarici ölkələrdə birinci olduğunu bildirib:“Hədəf” mahnım Almaniyada dünya əlliliyinə düşdü, üçüncü yerdə qərarlaşdı. Bu yaxınlarda isə İspaniyada 15 klip arasından birinci oldu. Amma Azərbaycandakı mükafatlandırmalarda çox heyrətlənirəm. Kompüterdən kağızlar çıxarıb, öz qohumlarına verirlər. Heç layiq olmayanlar mükafatlandırılır. Heyifslənirəm ki, mənim mahnım Almaniyada, İspaniyada seçilir. Öz ölkəmdə isə onlara qiymət verilmir”.

 

Əhəd Miriyev

 

MuzTv.az