Brilliant Dadaşovanın səhnədən getməsi xəbəri yalan çıxdı

Xalq artisti Brilliant Dadaşova səhnədən getməsi ilə bağlı yayılan xəbərlərə aydınlıq gətirib.

    Xalq artisti Brilliant Dadaşova səhnədən getməsi ilə bağlı yayılan xəbərlərə aydınlıq gətirib.Qafqazinfo-nun məlumatına görə, müğənni yayılan xəbərləri əsassız adlandırıb:“Səhnədən getməyim kimi qondarma, “ağıllı ideyalara” heç cavab da vermək istəmirəm”.

   Əməkdar artist Tünzalə Ağayeva yeni fotosessiya etdirib. Gecce.az xəbər verir ki, sənətçi fotolarda qırmızı və qara tonda geyimlərdən istifadə edib. Geyimləri modelyer Gülnarə Xəlilova hazırlayıb.

    Müğənni Elçin Hüseynov həmkarı Zamiq Hüseynovun “Qarınlı kişilər efirə çıxmasın” sözlərinə münasibət bildirib.Axşam.az-ın məlumatına görə,  o, açıqlamasında bunları deyib:“Bəzi şeylər var ki, efirdə onlarla bağlı çox söz demək olmur. Kişinin sanbalı olmalıdır. Birinci insan, şəxsiyyət olmalıdır, sənət sonra gəlir. Bədən formasını Allah qismət edir. Hərə bir cür yaranıb. Efirə çıxanda tamaşaçı gərək birinci onu ayırd edə bilsin ki, bu qadındır, yoxsa kişi? İlk şərt budur. "Qarınlıdır, qarınsızdır" müzakirəsi lazım deyil.  Allahımdan başqa heç kimdən qorxmuram. Heç kimdən çəkinmirəm. Biri saçını uzadır, biri keçi saqqalı edir, biri sırğa taxır. Səhnə bunlarla gözəlləşmir.Səhnəni sənətlə, oxumaqla gözəlləşdirmək lazımdır. Efir elədir ki, bir kəlmə söz dedinsə, sənin deyil. Sözü fikirləşib demək lazımdır. Ona görə də toylarda gündə bir müğənni döyürlər. 20 ildir sənətdəyəm. Tək Azərbaycanı yox, bütün Rusiyada toyları gəzmişəm. Bir dəfə xətrimə dəyən olmayıb. İnsan səmimi olmalı, şəxsiyyətinə hörmət etməlidir. "Kim kökdür, kim arıqdır" sözləri xanıma aiddir. O sözü deyənin də bəzi orqanlarında xanım orqanları var".Zamiq Hüseynov da çox keçmədən həmkarı Elçin Hüseynovun onun ünvanına dediyi ağır sözlərə cavab verib. “Qarınlı müğənni efirə çıxmasın” fikrini deyərkən Elçin Hüseynovu nəzərdə tutmamışam. Bu ifadəni sağlamlığa görə işlətmişəm. Bütün dünyada müğənnilər ideal bədən quruluşuna sahibdirlər, idmanla məşğul olurlar. Mən də istəyirəm ki, bizim ifaçılar da dünya standartlarına cavab versin. Fikrimin üstündə də dayanıram, səhnədə qarınlı müğənni olmamalıdır. Elçin Hüseynovun haqqımda dediyi fikirlər isə mənim üçün önəmli deyil. Əgər sözlərimi o özünə götürübsə, öz problemidir. Onları heç kəsə şamil etməmişəm. Özündən şübhələnməsin”.

    Müğənni Könül Kərimova Moskvada konsert verəcək.  Milli.Az xəbər verir ki, ifaçının konserti 6 dekabr 19:00-da "Korolevski" sarayda keçiriləcək. İfaçı bu konsertə çoxdan hazırlaşdığı üçün möhtəşəm şou ilə Moskva tamaşaçılarını heyrətləndirməyə çalışacaq. Konsert "Sizinlə görüşə gəldim" adlanır. 

 

Əhəd Miriyev

 

MuzTv.az