Rihanna: “Bu gecə oranı dağıdın”

İlin ən böyük moda hadisələrindən sayılan "Victoria’s Secret Fashion Show"a qatıla bilməyən Rihanna üzr istəyib.

    İlin ən böyük moda hadisələrindən sayılan "Victoria’s Secret Fashion Show"a qatıla bilməyən Rihanna üzr istəyib.Axşam.az-ın xarici KİV-ə istinadən məlumatına görə, şouda iştirakı gözlənilən müğənni "ANTİ" adlı albomunun işlərini çatdıra bilmədiyi üçün gecəyə qatılmayıb. Ancaq barbadoslu ifaçı podiuma çıxan "Mələk"lərə sürpriz hədiyyə göndərərək yazıb:"Kaş ki sizinlə orada ola bilsəydim. Bu gecə oranı dağıdın. Növbəti dəfə görüşmək ümidi ilə".Qeyd edək ki, Rihanna 2012-ci ildə "Victoria’s Secret Fashion Show"da səhnəyə çıxmışdı.

    "Victoria’s Secret"in ənənəvi illik şousunda səhnəyə çıxan modellərin obrazları hələ də müzakirə olunur. İsveçli model Elza Hosk podiuma seksual qış personajı obrazında çıxıb. 27 yaşlı modelin erotik görünüşü Qar qızı xatırladıb.

    Gənc model Gigi Hadidin gündəlik geyimi çox vaxt peşəkarlar tərəfindən birmənalı qarşılanmır.O, bu dəfə Nyu-York küçələrində iki fərqli üslubu ilə görünüb. Onlardan biri müğənni Madonnanın 80-ci illər tərzini xatırladır: qara cins şalvar və köynək, buruq saçlar, böyük çərçivəli gözlük, tünd dodaq boyası. Fələstinli gözəl ağ uzun üst geyimlə üslubunu tamamlayıb. İkinci dəfə isə G.Hadid qara xəzli mavi paltoda, zamşa çəkmələrdə və düz saçlarda görünüb. Aksesuar kimi eyni gözlükdən istifadə edib.

    Müğənni Özcan Dəniz atalıq hissini qohumları ilə yaşayır. Sosial şəbəkədə bacısı və qardaşı uşaqları ilə fotosunu paylaşan ifaçı bu haqda yazıb: “Ata ola bilmədim, amma atalıq qədər mühüm vəzifəm var. Əmi və dayı olmaq... Hələ 2 uşaq da doğulacaq. Yeni dəcəlləri səbirsizliklə gözləyirik”. 

 

Əhəd Miriyev

 

MuzTv.az