Faiq Ağayev əməliyyat olunub

Xalq artisti Faiq Ağayevin səhhətində problem yaranıb. Axşam.az-ın məlumatına görə, müğənni açıqlamasında uzun müddətdir müalicə aldığını..

    Xalq artisti Faiq Ağayevin səhhətində problem yaranıb. Axşam.az-ın məlumatına görə, müğənni açıqlamasında uzun müddətdir müalicə aldığını bildirib:"Səsimlə bağlı problem yaranmışdı. Allergiya mənə mane olurdu. Müalicə aldım və düzəldim".F.Ağayev burnunu əməliyyat etdirməsi xəbərlərinə də aydınlıq gətirib:"Bu yaxınlarda burun əməliyyatı etdirməmişəm. Gizlətmirəm ki, bir neçə dəfə burnumu əməliyyat etdirmişəm. Özüdə burun əməliyyatından bir neçə gün sonra oxumaq mümkündür".

   Əməkdar artist Natiq Şirinov "Hər axşam" verilişinin qonağı olub. Nağara ifaçısı dünyanın bir çox yerinə səyahət edəcəyini və konsert verəcəyini bildirib:"Natiq" ritm qrupu ilə birlikdə bu yaxınlarda Amerikada bir tədbirə qatıldım. Bir neçə ölkə iştirak edirdi. Oradakı çıxışım o qədər bəyənildi ki, çoxlu təklif aldım. 2017-ci ildə sentyabrdan noyabra qədər Amerikada konsert turuna çıxacam. 40 yerdə konsertim olacaq. Eyni zamanda gələn ilin martında orada baş tutacaq bir gecədə iştirak edəcəm. Bununla yanaşı Hindistan, Braziliya və Taylandda konsertim keçiriləcək. Mayda isə Malaziyaya yollanacam. Hər zaman arzum olub ki, Azərbaycanın nağarasını dünyaya tanıdım. Arzuma çatdım".

   Müğənni Röya Ayxan öz ətirini yaradacaq. Sənətçi bu haqda açıqlamasında xəbər verib. O, hazırlıq işlərinin 3 il əvvəl başladığını bildirib:"Üç ildir ətir barəsində danışıqlar gedir. Bir ara iş tamamlanmışdı, edirdik. Gördüm bizi aldatmaq istəyirlər, razılaşmadım. Demişdim ki, ətir xaricdə hazırlanacaq, onu buraxan zavod keyfiyyətli olmasına söz verəcək. Kənan danışıqlar aparırı. 6 ildir eyni ətri vururam, onsuz yaşaya bilmirəm. Ümumiyyətlə biznes sahəsində də irəliləyəcəm. Moda evi, gözəllik salonu açacam. 40 yaşdan sonra prodüserlik edəcəm. İndi özümə prodüserlik edirəm, bu işi bacarıram".

    Müğənni Elçin Hüseynov qalmaqal yaşadığı həmkarı Zamiq Hüseynovla barışıb. Sənətçi sosial şəbəkədə Z.Hüseynovla telefonla əlaqə saxladığını və problemi yoluna qoyduğunu yazıb: "Zamiqlə telefonla danışdıq, problemi yoluna qoyduq. Hər şey yolundadır. Münasibətimiz yaxşıdır. Biz barışdıq".

 

Əhəd Miriyev

 

MuzTv.az