Abbas Bağırov: “Qarşıma məqsəd qoydum və nəticəsini gördüm”

Əməkdar artist Abbas Bağırov sosial şəbəkədə arxiv fotosunu paylaşıb. 

     Əməkdar artist Abbas Bağırov sosial şəbəkədə arxiv fotosunu paylaşıb.  Axşam.az-ın məlumatına görə, müğənni kök vaxtlarının fotosunu yayımlayıb. O, müğənni Yaşar Cəlilovla birlikdə çəkdirdiyi şəklinə “İnsan istədiyini edə bilməyə qadirdir. Qarşıma məqsəd qoydum və şükür nəticəsini də gördüm. Yalnız düzgün qida və idman. Yaşar, sən nə vaxt idmana başlayırsan?” şərhini yazıb. Qeyd edək ki, A.Bağırov 125 kiloqram olub. O, açıqlamasında 45 kiloqram arıqladığını bildirib.

    Müğənni İradə İbrahimova repertuarında yer alan “Neyləyək alınmadı” mahnısı türkiyəli aktyor Cem Yılmazın bu günlərdə nümayişə çıxarılan "Ali Baba və 7 Cücələr" filmində səslənib.

Sənətçi bu barədə filmin nümayişindən sonra xəbər tutduğunu bildirib: "Film noyabrın 13-də nümayişə çıxarıldı. Bu barədə bizə filmi izləyən və ailəmizə yaxın insanlar məlumat verdi. Filmdə Cem Yılmaz özü mahnını zümzümə edib. İnternetdə filmdən görüntülər olmadığı üçün həmin hissəni izləyə bilməmişəm".

    Prodüser Tarix Əliyev (Tolik) müğənni Roza Zərgərlini tənqid edib. Prodüser sənətçini özünə yalançı titullar verməkdə günahlandırıb: “Mənim Rozayla heç bir problemim yoxdur. Belə də problem olsa, guya nə olacaq ki? Bir fakt var, Azərbaycanımızın ən ucqar rayonuna belə getsək, “Aygün Kazımova” desək, hamı tanıyacaq. Görəsən, “Röza Zərgərli” desək, kim tanıyar? Özünə “Qara dama” titulu vermək olar. Amma hər müğənni xalq artisti ola bilməz. Sözü olan mənə yığıb deyə bilər. Əgər buna cəsarəti çatarsa, hamıya veriləcək cavabım var. Aygün Kazımova ayda kanala 20 min verib, veriliş aparmayıb. Onun adı “brend” olub. Bir də kimin neçə kişisi olduğunu sən hardan bilirsən? Yanlarında olmusan? Özü deyib də, gizlətməyib ki. Bəziləri kimi əri olmadan, "ərim var" demir. Aygünü sevən belə də sevib”.

    "Eurovision" qalibi Eldar Qasımov şəxsi həyatından və sənətindən danışıb. Gecce.az  xəbər verir ki, ifaçı bu haqda açıqlamasında bildirib:"Hələ ki, evlənib uşaq sahibi olmaq istəmirəm. Əgər evlənsəm, bir müddət sənətimdən uzaqlaşacam. Çünki ailə həyatı onların yanında olmağımı tələb edəcək. Mən də bir insanam. Ola bilər ki, evlənməyim amma övladım olsun". Müğənni bununla yanaşı tənbəl olduğunu da etiraf edib: "Mənə deyirlər ki, çox tənbələm. Tutmam tutanda, ancaq yeyib yatmaq istəyirəm. Amma olur ki, ard-arda işlər də görürəm. Çalışıram gördüyüm iş keyfiyyətli olsun". 

 

Əhəd Miriyev

 

MuzTv.az