Samirə: “İndi həyat mənim gözümə başqa cür görünür”

Şou-biznesin savaş meydanından uzaq gəzən müğənni Samirə Allahverdi sakitliyi ilə seçilməyə üstünlük verir. 

   Şou-biznesin savaş meydanından uzaq gəzən müğənni Samirə Allahverdi sakitliyi ilə seçilməyə üstünlük verir. Müğənni vaxti ilə hit mahnılar təqdim edib rəqabətə girsə də, nədənsə son zamanlar bu aktivlik hiss olunmur: “ Yəqin mübarizəli insan deyiləm. Vaxt var idi mən mübarizəli idim, indi isə həyat mənim gözümə başqa cür görünür. Bəlkə də, mənim çalışdığım sənətdə belə sərf etmir. Çünki şou-biznes gündəmdə olmağı tələb edir. Başqası bir ayda 2 mahnı yazdırarsa, mən bir ildə iki mahnı yazdırıram. Tənbəllikdən irəli gəlmir, sadəcə çox seçim edirəm”.

   Səhnəmizin güclü səslərindən birinə malik olan Allahverdi, səs yarışmalarına münsif kimi dəvət olunmamasından söz açıb: “ Gündəmdə çox olmadığım üçün ola bilsin, kimsə məni yaddan çıxarıb. O da onların işidir. Və yaxud da, mən o layihədə yoxamsa, bu mənim üçün qlobal bir problem deyil”.

 

Sevda Məmmədova

Elfaq Lələyev

 

Muz-Tv.az