Faiq Ağayevin sənətə gəlməsindən 27 il ötür

Bu gün xalq artisti Faiq Ağayevin sənətə gəlməsindən 27 il ötür. 

   Bu gün xalq artisti Faiq Ağayevin sənətə gəlməsindən 27 il ötür. Axşam.az-ın məlumatına görə, müğənni təəssüratlarını bölüşüb:“Şükür yaradana. Nə yaxşı ki, bu səadəti mənə nəsib etdi. Nə yaxşı ki, varımsınız – sənətim, səhnəm, tamaşaçılarım. Yaradıcılığımın 27 yaşı tamam oldu. Məni sevməkdə davam edin”.Qeyd edək ki, F.Ağayev 27 il əvvəl "Bakı payızı" yarışmasında iştirak edib.

   Müğənni Nadir Qafarzadə xanımı Sevinclə birlikdə Ukraynaya yollanıb. Sanatoriyada dincələn ifaçı fotolarını sosial şəbəkədə paylaşıb.O, xanımı ilə bağlı təəssüratlarını da bölüşüb:“Payızı sevirəm, çox romantikdir. Bəlkə də məni qınayırlar ki, həyat yoldaşını reklam edir. Sadəcə, başa düşmürlər ki, bu xanım təkcə həyat yoldaşı deyil. O mənim özümdür”.

   Bir müddət əvvəl burun əməliyyatı etdirən müğənni Xatun Əliyeva depressiyaya düşüb. Bu haqda aparıcı Yusif Ağayev deyib:“Xatunun əməliyyatı uğursuz keçib. Burnu ürəyincə alınmayıb. Ona görə də depressiyaya düşüb. Eşitdim ki, vəziyyəti pisdir”.

   “Qala” qrupunun rəhbəri Ceyhun Əliyev 3 il öncə özəl günü üçün yazılan “Dünyamın sabahı” mahnısını təqdim edib.Bəstənin söz və musiqisi ifaçının özünə məxsusdur. C.Əliyev mahnını həyat yoldaşına toy hədiyyəsi etdiyini bildirib. Amma sənətçinin gecikmiş sevgi etirafı bu gün təqdim olunub:“Toyda iki mahnı nəzərdə tutulmuşdu. Birini Elçin Cəfərova həvalə etdim, səsləndirdi. İkinci mahnını xanımım üçün özüm oxumalı idim. Toyun bütün yükü çiynimə düşdüyündən, mahnını toy gününə hazırlaya bilmədim. Övladım dünyaya gələndən sonra qərara aldım ki, mahnıya nəfəs verim. Hazırda övladım yaş yarımlıqdır. Nəhayət, arzum gerçək oldu”.

 

Əhəd Miriyev

 

MuzTv.az