Emin Sabitoğlunun anım günüdür

Mərhum bəstəkar Emin Sabitoğlunun anım günüdür

     Mərhum bəstəkar Emin Sabitoğlunun anım günüdür. 1937-ci il noyabrın 2-də Bakıda anadan olan E. Sabitoğlu 1961-ci ildə "Azərbaycanfilm" kinostudiyasında musiqi redaktoru vəzifəsində çalışıb. Sonrakı illərdə Dövlət Filarmoniyasında bədii rəhbər, Ü. Hacıbəyov adına Dövlət Konservatoriyasında (indiki Bakı Musiqi Akademiyası) müəllim işləyib. Musiqinin müxtəlif janrlarında bir çox dəyərli əsərlərin müəllifi olan Emin Sabitoğlu bir simfoniya, üç simfonik poema, üç kantata, simli kvartet, skripka və fortepiano üçün poema yazıb. O, 600-dən artıq mahnı, 9 musiqili komediya, 40-a yaxın filmə musiqi bəstələyib. "Dərələr", "Bakı, sabahın xeyir", "Uzaq yaşıl ada", "Dağlar", "İnsaf da yaxşı şeydir" mahnıları çoxsaylı əsərlərindən bəziləridir. Tamaşalara yazdığı musiqilərsə o qədər çoxdur ki, sayını heç bəstəkarın özü də doğru-dürüst bilmirdi. Paytaxt teatrları ilə yanaşı Sumqayıt, Gəncə, Lənkəran, Mingəçevir, Naxçıvan teatrlarının tamaşalarına musiqi bəstələyib. Emin Sabitoğlu 18 noyabr 2000-ci ildə Bakıda vəfat edib. 

    Müğənni Röya Ayxan Türkiyənin “Kral Pop Haber”inə açıqlama verib. Axşam.az-ın məlumatına görə, sənətçi yeni işlərindən bəhs edib:"Kesin bilgi” mahnımın ərsəyə gəlməsində və sevilməsində Gülşənin böyük rolu var. Komanda şəklində yanımda olan insanlardan çox razıyam. Onlar məni çox sevdikləri üçün belə gözəl iş ortaya çıxdı. Çəkilişlər 16 saat davam etdi. Azərbaycanla Türkiyə arasında 2 saat fərq var. Orada işlər gecə 2-də bitir, hamı evinə gedir. Burada isə gecə həyatı deyilən bir şey var. Buna öyrəşmək çətin idi. Amma alışdım. 6 mahnım hazırdır. Remiks versiyalarını da hazırlayıb, saxlamışıq. Fasilə vermədən, işlərə davam edəcəm”.

    Müğənni Eldar Qasımovun halı pisləşib. Milli.Az  xəbər verir ki, "Duman" adlı yeni mahnısının fotosessiyası zamanı Eldar təhlükə ilə üzləşib. Belə ki, o, tüstüdən boğulduğu üçün çəkiliş yarımçıq dayandırılıb. Amma Eldar baş verənlərə görə peşman deyil:"Duman" adlı yeni mahnımın fotosessiyası zamanı daha möhtəşəm effekt əldə etmək üçün cürbəcür tüstü buraxan vasitələrdən istifadə edilir. Qəfildən halım pisləşdiyindən çəkilişi bir saat dayandırmaq məcburiyyətində qaldıq. İncəsənət həqiqətən qurban tələb edir!"

    Müğənni Gülay Zeynallı formada qalmasının sirrlərindən danışıb: O,açıqlamasında bunları bildirib:“Sənət insanı düzgün çəkidə, görkəmdə olmalıdır. Ona neçə milyon insan baxır. Mən də rejimimə diqqət edirəm. Övladım dünyaya gələndən sonra çəkim bir az artmışdı. Amma yenə də qaydasına düşüb. İdmana gedirəm. Əvvəl idmandan zəhləm gedirdi. Sonra Kamilin sayəsində sevməyə başladım”.

 

Əhəd Miriyev

 

MuzTv.az