Ancelina Coli: “Mənim vəzifəm Bredi sevməkdir”

Rejissor-aktrisa Ancelina Coli “People” jurnalına müsahibə verib. 

    Rejissor-aktrisa Ancelina Coli “People” jurnalına müsahibə verib. Axşam.az-ın məlumatına görə, Hollivud ulduzu Bred Pittlə ailəli olan aktrisa uğurlu evliliyin sirlərini bölüşüb. Qocalmaqdan qorxmadığını deyən Coli Bredlə həmin dövrü səbirsizliklə gözlədiyini deyib:“Biz Bredlə çox xoşbəxtik və zaman keçdikcə bir-birimizin necə dəyişəcəyini görmək üçün səbirsizlənirik. Onunla qocalmaq istəyirəm”.Həyatyoldaşı ilə “By the Sea” (“Dəniz kənarında”) filmində çəkilən aktrisa film üzərində birgə işin onların nikahını möhkəmlətdiyini bildirib:“Ciddi mübahisələr evliliyi daha da möhkəmləndirir. Əgər siz çiyin-çiyinə söykənirsinizsə, bu nikah daha da güclənir. Hər nə qədər mübahisəmiz düşsə də, sonda öz-özümə deyirəm ki, mənim vəzifəm onu sevməkdir”.

   Məşhur model Miranda Kerr soyuq havada geyimi ilə diqqət çəkib. 32 yaşlı model Nyu-Yorkda Yeni il ağacının qarşısında obyektivlərə tuş gəlib. Qələm ətək və göbəyiaçıq kofta geyinən Miranda soyuq havaya əhəmiyyət verməyib. M.Kerrin geyimi ətrafdakıların təəccüblü baxışlarına səbəb olub. 

   Barbadoslu müğənni Rihannanın da bənzəri tapılıb. 22 yaşlı tələbə Andel Lara ifaçının oxşarıdır. “Hara getsəm, məni Rihanna deyə çağırırlar” söyləyən tələbə qız gələcəkdə bu oxşarlıqdan karyerası üçün istifadə etmək niyyətində olduğunu da bildirib: “Bilirəm ki, Rihannanın oxşarı olmaq üstünlüyümdən istifadə edə bilərəm. Ona bənzədiyimin fərqinə özüm varmırdım. Rəfiqələrim söylədi ki, çox oxşarıq. İnsanların mənimlə şəkil çəkdirmək istəyini yerə salmıram. Ancaq bunun mənfi cəhətləri də az deyil. Gecə klublarına gedərkən üzərimdə böyük diqqət hiss edirəm. Bu səbəbdən, rəfiqlərim mənimlə bir yerdə getmək istəmirlər. Mağazalarda belə Rihanna olduğumu sanıb, mənə aldığım əşyaları havayı vermək istəyirlər”. 

   Müğənni Demet Akalının həyat yoldaşı Okan Kurtun futbol oynayarkən ayağı sınıb. Həyat yoldaşının çəliklə fotosunu paylaşan sənətçi ona futbol oynamağı qadağan etdiyini bildirib. Demet izləyicilərinə Okanın bundan sonra evdə "Play Station"la başını qatacağını vurğulayıb. 

 

Əhəd Miriyev

 

MuzTv.az