Nazpəri: “Mənə elə təkliflər gəldi ki, heç kim ona “yox” deməzdi”

3 ildir efirlərdən uzaq düşən xalq artisti Nazpəri Dostəliyeva ölkəni tərk edir. 

    3 ildir efirlərdən uzaq düşən xalq artisti Nazpəri Dostəliyeva ölkəni tərk edir. İllər öncə qardaş ölkədə konserti baş tutan Dostəliyeva, 2016-cı ilin fevral ayından etibarən Türkiyəyə yollanacaq. Türkiyənin çox nüfuzlu şirkətlərinin biri ilə əməkdaşlığa başlayacağını açıqlayan Nazpəri xanım fərqli layihə ilə vətənə geri dönəcəyini bildirib. Amma xalq artisti layihənin məğzini gizli saxlayıb: “Mən qabaqcadan məlumat verəndə işimdə ləngimə olur, nəsə problem yaranır. İşimi görüm, mütləq sizi məlumatlandıracağam. Türkiyədə konsert verib Azərbaycanda təqdim etmişəm, orada klip çəkdirib vətənimdə təqdim etmişəm. Mənim heç bir zaman türk şou-biznesinə qatılmaq fikrim olmayıb. Və yaxud da, Türk dünyasının “kraliça”sı olmaq istəyim yoxdur. Bu, mənim heç zaman nə arzum, nə də istəyim olub. “Lütfi Kırdar” adına konsert salonunda hələ Türkiyənin özündə populyar olmayan müğənniyə konsert verməyə icazə vermirdilər. Amma onlar mənim həmin sarayda konsertimi təşkil etdilər. Kim 30 nəfərdən ibarət musiqiçiləri ilə “Lütfi Kırdar” adına ən böyük konsert zalında canlı-canlı solo konsert verib? Yaşıdlarım arasında heç bir müğənni hələ onu etməyib”. İllər öncə “Bir millət, İki dövlət” adlı altında Türkiyədə konset verən xalq artistini dinləməyə gələnlər arasında qardaş ölkənin tanınmış sənətçiləri Özcan Deniz, Nebahat Çehre və başqaları olub. Sən demə, həmin dövrdə Özcan Deniz Nazpəri xanıma “Haziran Gecesi” filmində rol almaq təklifi edib: “Məni seriala dəvət etdilər, heç onda da razılaşmadım. Türkiyənin nə televiziyası, nə də şousuna qatılmaq istəmirəm. Bəlkə bu mənim vətənpərvərliyimdən irəli gəlir. 2001-ci ildən danışıram. Həmin il mənə elə təkliflər gəldi ki, yəni heç kim ona “yox” deməzdi. Amma mən dedim”.

 

Sevda Məmmədova

Elfaq Lələyev

 

Muz-Tv.az