Kristen Stüart Koko Şanel obrazını canlandırıb

25 yaşlı aktrisa Kristen Stüart rejissor Karl Lacerfildin yeni filmində çəkilib. 

   25 yaşlı aktrisa Kristen Stüart rejissor Karl Lacerfildin yeni filmində çəkilib. Axşam.az xarici mətbuata istinadən xəbər verir ki, aktrisa qısametrajlı ekran işində “Chanel” moda evinin əfsanəvi yaradıcısı Koko Şanelin obrazını canlandırır. “Bir dəfə və həmişə” adlı filmdə Kristenlə yanaşı, onun yaratdığı obrazın 71 yaşını canlandıran Ceraldin Çaplin də rol alıb. Filmin ilk premyerası dekabrın 1-də Romada baş tutacaq. 

   Çəkilişlərinə 2014-cü ildə başlanılan “Ronaldo” sənədli filmi bir sıra müzakirələrlə yadda qalıb. Məşhur futbolçu Kriştiano Ronaldonun həyatından bəhs edən ekran işində 5 illik keçmiş sevgilisi İrina Şeyk haqda heç bir məlumatın yer almaması çoxlu suallar doğurub. Jurnalistlərin haqqında çəkilən filmdə nə üçün İrinadan danışılmaması sualına Ronaldo belə cavab verib:“Həyat uğurlu və uğursuz dövrlərdən ibarətdir. Hətta elə dövr olur ki, ümumiyyətlə vacib deyil”. Qeyd edək ki, futbolçu ilə model bu ilin əvvəlində ayrılıblar. İrina Şeyk hazırda aktyor Bredli Kuperlə sevgilidir.

   Aktrisa Pamela Anderson qatıldığı partilərin birində obyektivlərə tuş gəlib. 48 yaşlı aktrisa-model qara geyimi ilə diqqət çəkib. Şortda olan Pamela yaşına baxmayaraq, ideal bədən quruluşu ilə diqqət çəkib. P.Anderson “dumanlı göz” makiyajına üstünlük verib.

   Müğənni Nil Karaibrahimgil və həyat yoldaşı, reklamçı Serdar Erener "Brand Week İstanbul"a qatılıblar.Cütlük səhnəyə çıxaraq reklam haqda danışıblar, sonra isə canlı olaraq reklam musiqisi bəstələyiblər. Keçən il Aziz Arif adında bir oğulları dünyaya gələn cütlük övladları haqda danışıblar. Nil "ana olmaq dünyanın ən gözəl hissi imiş. Daha bir uşağımın olmasını istəyirəm" deyib. Serdar isə övladının alim olmasını istədiyini bildirib.

 

Əhəd Miriyev

 

MuzTv.az