Faiq Ağayev: “Mən iradlarla bağlı ümumiləşdirmə tərafdarı deyiləm”

Xalq artisti Faiq Ağayev səbirsizliklə gözlənilən “Səs Azərbaycan”ın ilk efirindən söz açıb. Sənətçi layihədə iştirak edən münsiflərə olunan iradlardan da danışıb. 

   Xalq artisti Faiq Ağayev səbirsizliklə gözlənilən “Səs Azərbaycan”ın ilk efirindən söz açıb. Sənətçi layihədə iştirak edən münsiflərə olunan iradlardan da danışıb. Sosial şəbəkələrdə münsifləri sünilikdə ittiham edənlərə də xalq artisti münasibət bildirib: “Siz 7 bölümün sadəcə 1-nə baxmısız. Bir-birindən fərqli güclü iştirakçı görəcəksiniz. Özüm məəttəl qalıram ki, bunlar bu günə kimi harada qalmışdılar. Əminəm ki, bizim seçimimizdən tamaşaçılar razı qalacaq. Mən iradlarla bağlı ümumiləşdirmə tərafdarı deyiləm. Mən orada nə səs-küyə, nə də başqa məsələlərə yol vermirəm. Ciddi qulaq asıb ya tərifləyirəm, ya da ki, niyə seçmədiyimi izah edirəm”. Vaxtının az olmasına baxmayaraq sənətçi öz yaradıcılığına da ara vermir. Xalq artistindən yeni mahnılar təqdim olunacaq.

 

Sevda Məmmədova

Elfaq Lələyev

 

Muz-Tv.az