Nigar Camal: “Həyatımda inanılmaz dəyişiklik baş verib”

"Eurovision 2011" qalibi Nigar Camal özəl həyatı ilə bağlı etiraflar edib. 

      "Eurovision 2011" qalibi Nigar Camal özəl həyatı ilə bağlı etiraflar edib. Axşam.az-ın məlumatına görə, müğənni açıqlamasında həyatında dəyişiklik olduğunu bildirib: "Həyatımda inanılmaz dəyişiklik baş verib. İnanılmaz sürpriz oldu. Bunun nə olduğunu deyə bilmərəm".Qızlarından danışan N.Camal övladlarının incəsənəti seçməsinə mane olmayacağını söyləyib:"Qızlarıma qarşı sərt deyiləm. Onlar Londonda yaşayırlar. Çox ayrı qalıram, görəndə isə nə istəyirlər edirəm. Balaca qızım Səidənin aktrisalıq qabiliyəti var. Əgər İngiltərədə istəsə, ona aktrisa olmağa icazə verərəm. Hansı peşəni seçsələr, dəstək olacam".

     Əməkdar artist Lalə Məmmədova arxiv fotolarını paylaşıb. Şəkillərdə L.Məmmədovanın özü ilə yanaşı xalq artisti Flora Kərimova, müğənni İradə İbrahimova, Natavan Həbibi, Samira Allahverdi, bəstəkarlar Hikmət və Nailə Mirməmmədli, rejissor Ülviyyə Könül, vizajist Nigar İbrahimova və başqaları yer alıb.

     Prodüser Tarix Əliyev (Tolik) İnstaqramda uşaqlıq fotosunu paylaşıb.Tolik fotodakı qadının onun bibisi olduğunu qeyd edərək yazıb:"Uşaqlıq gözəl bir yaş dövrüdü. Heç nəyin dərdini çəkmirsən. Pul, ev, maşın, nəbilim... Yalnız onu bilirsən ki, istəyirəm. Vəssalam".

      Rəqqasə Fatimə Fətəliyeva paytaxt məkanlarının birində qızı Aydana ad günü keçirib.Lent.az xəbər verir ki, rəqqasə qızının özəl gününü mediaya qapalı edib: “Hər bir ana övladının gözəl günlərini görməyi arzulayır. Allahıma şükür edirəm ki, iki gözəl balam var. Qızıma ad günü keçirdim. Onun istəyini nəzərə alıb, bu özəl günü mediaya qapalı etdim. Qızım mətbuatda görünməyi xoşlamır. Ad gününə yalnız Aydanın rəfiqələri və bizim ailəyə yaxın insanlar dəvətli idi. Şou-biznes əhli dəvət etmədim”. Qeyd edək ki, F.Fataliyevanın Hüseyn adlı bir oğlu da var.

 

Əhəd Miriyev

 

MuzTv.az