Cem Yılmaz İradə İbrahimovanın mahnısından danışdı

Türkiyənin məşhur komediya aktyoru Cem Yılmaz "Ali Baba və 7 Cücələr" filmində səslədirdiyi müğənni İradə İbrahimovanın "Neyləyək alınmadı"...

    Türkiyənin məşhur komediya aktyoru Cem Yılmaz "Ali Baba və 7 Cücələr" filmində səslədirdiyi müğənni İradə İbrahimovanın "Neyləyək alınmadı" mahnısından bəhs edib. Gecce.az-ın məlumatına görə, aktyor mahnını həmkarı Zafer Alagözün təklif etdiyini bildirib: “Mahnını İradə İbrahimovadan dinləmişdik, filmin ssenarisinə salmamışdıq. Filmdə Kənan Məmmədovla Boris Manço qarşılaşır və bir-birlərini bu mahnı ilə xatırlayırlar. Mahnı üçün çox məşq etdik. Bu mahnıdan sonra Azərbaycandan çoxlu mahnılar göndərilir. 3 həftə sonra filmimiz Azərbaycanda nümayiş olunmağa başlayacaq. Türkiyədə bizi sevən insanlar azalsa, Azərbaycana gedərik”.

   Müğənni Könül Kərimova imicini dəyişib. Sənətçi uzun saçlarını kəsdirib,onları sarı rəngə boyatdırıb. Şəklini İnstaqramda paylaşan ifaçı : "Axırki uzun saçlardan qurtuldum. Fikrinizi bilmək istərdim" şərhini yazıb.

   Müğənni Xatun Əliyeva ondan inciyən həmkarı Könül Kərimovadan danışıb. Axşam.az-ın məlumatına görə, ifaçı açıqlamasında küsülü olduqlarını bildirib:“Deyir, “Aparıcıya xoş olmaq üçün məni parodiya edirsən”. Bunu özü üçün hörmətsizlik kimi qəbul edir. Əgər parodiyanı hörmətsizlik kimi qəbul edirsə, ona sözüm yoxdur. Hazırda biz Könül Kərimova ilə küsülüyük. Çalışıram ki, heç kimlə münasibəti pisləməyim. Şou-biznesdə bir-birini təhqir edən insanlar barışdı, hamı eşidəndə şok oldu. Biz niyə barışmayaq? “.

   Müğənni Rüfət Axundov “Bağışla məni” adlı mahnısına çəkdirdiyi klipini təqdim edib. Ekran işinin rejissoru Pərviz Oktayoğludur.

 

Əhəd Miriyev

 

MuzTv.az