Özündən 13 yaş kiçik nişanlısından danışan Vüqar toy vaxtını açıqladı

Bir müddət öncə ailə həyatı quracağı xanımla film təqdimatına qatılan müğənni Vüqar Muradov ilk dəfə nişanlısından danışıb. 

    Bir müddət öncə ailə həyatı quracağı xanımla film təqdimatına qatılan müğənni Vüqar Muradov ilk dəfə nişanlısından danışıb. Özündən 13 yaş kiçik xanımla evlənməyi planlaşdıran Muradov toy vaxtını açıqlayıb: “Filmdə xanımı gördülər və paparazzi çəkib, yanlış sözlər yazmasındar deyə dayanıb şəkil çəkdirdim ki, bilsinlər nişanlımdır. Çünki paparazzidən qorxuram.  Başqa bir xanım olsaydı, qorxmazdım, amma nişanlım olduğu üçün istəmirəm yazsınlar ki, “ Vüqar bir qızla filan yerdə görüldü”. Evlənəcəyim xanım qohum deyil. Mənim 32 yaşım var. Bu yaşıma kimi öz yarımı axtarmışam və tapmışam. 13 yaş məndən balacadır. 1 il bir ay ərzində xanımı razı salmaq üçün çox böyük əziyyət çəkdim. Xanımın 18 yaşı var, evin tək qızıdır. Ona görə uşaqlığını yaşamaq istəyir. Ona evlilik anlayışı çatmır. Aprel ayını gözləyək, Allahın izni ilə mən də toy edərəm”.

Mediaya qapalı şəkildə reallaşacaq toyda Muradov kişi məclisi etmək fikrində deyil: “Mənim aləmimdə toy bir dəfə olur və orada hər kəs öz xanımı, yoldaşı, dostu ilə gəlib əyləşir. Evlənəcəyim xanım sənətimə də çox böyük hörmət bəsləyir. Ona görə sənətdən getməyəcəyəm. Hətta mənim sənətdən getməyimi istəsəydi də, gedərdim. Sevdiyim üçün bunu edərdim”.

 

Sevda Məmmədova

Çingiz Abdullayev

 

Muz-Tv.az