Nəzakət Teymurova üçün xoş gün

Xalq artisti Nəzakət Teymurovanın qızı Nigarın doğum günüdür. 

    Xalq artisti Nəzakət Teymurovanın qızı Nigarın doğum günüdür. Gecce.az xəbər verir ki, ifaçı ailəsinə yaxın insanlarla birlikdə qızının özəl gününü qeyd edəcək. Xalq artisti Nigara olan ürək sözlərini dilə gətirib:"Ad günün mübarək, əziz qızım! Sənə həyatda xoşbəxt günlər arzulayıram. İnşallah, bu il ali məktəbə daxil olub, bizi sevindirəsən". 

   Hollivud ulduzu Stiven Siqal Bakıda konsert verəcək. Axşam.az-ın məlumatına görə, Niko ləqəbli aktyorun blüz konserti dekabrın 16-da və 17-də Heydər Əliyev Mərkəzində baş tutacaq. Qeyd edək ki, Hollivud ulduzu, kinoaktyor, rejissor, eyni zamanda aykido ustası Stiven Siqal musiqiçi kimi də məşhurdur. Belə ki, Siqal 12 yaşında ikən gitara ifa etməyə başlayıb. Və əsasən blüz janrına üstünlük verib. Aktyor bu yaxınlarda Bakının qonağı olmuşdu.

    Nigar Camal öz ayaqqabı və çanta qarderobunu yeniləməyə qərar verib.Bakıdakı butiklərdən birinə yollanan Nigar çeşidlər arasında çətinlik çəkib. Müğənni həm səhnə üçün, həm də gündəlik istifadə üçün ayaqqabı və çanta alış-verişi edib.

   Prodüser Tarix Əliyev məhkəməlik olduğu Natavan Həbibi ilə necə barışdığından danışıb.O, açıqlamasında bunları bildirib:"Mən üzr istəməyi bacarıram, amma baxır kimdən. Əgər o üzrü "Tolik məndən qorxdu" deyə qəbul edərsə, o adamdan heç vaxt üzr istəmərəm. Məsələn, bu gün mən Natavan Həbibi ilə barışmışam. Qərib bir ölkədə barışdıq. İndi də bir yerdə otururuq, görüşürük, o səmimiliyi hiss edirəm. Natavanın anası ilə qarşılaşsam, üzr istəyəcəyəm. Deyəcəyəm ki, sənə böyük stres yaşatdığım üçün bağışla. Bu normal bir şeydir, əksiklik, yaxud qorxaqlıq deyil".Prodüser öz adının fərqliliyindən danışıb:"Atam həmişə zarafatla deyir ki, bilsəydim sənə atamın adını qoymazdım. Adım şou-biznesdə fərqlidir. Ona görə də tarixdə qalacağam".

 

Əhəd Miriyev

 

MuzTv.az