Sevda Yahyayeva yeni klipini təqdim etdi

Müğənni Sevda Yahyayeva “Yanlış adam” adlı yeni mahnısını və klipini təqdim edib. 

    Müğənni Sevda Yahyayeva “Yanlış adam” adlı yeni mahnısını və klipini təqdim edib. Axşam.az-ın məlumatına görə ,bəstənin sözləri Leyli Erola, musiqisi Hakan Erola məxsusdur.  Klipin rejissoru Anar Hüseynov, operatoru və montajçısı isə Rza Əsgərovdur.

    “O səs Türkiyə” yarışmasının qalibi Elnur Hüseynov yenidən imicini dəyişib. Bir müddət əvvəl saçlarını saraldan ifaçı onları yenidən tünd rəngə boyatdırıb.

     Müğənni Zamiq Hüseynov film təklifi alıb. Sənətçi açıqlamasında yaxın günlərdə özünü aktyor kimi sınayacağını da bildirib: “Filmlərə çox təkliflər alıram. Amma o dərəcədə də bəyəndiyim, ürəyimcə olanı yoxdur. Gələcəkdə özüm istədiyim kimi bir filmə çəkiləcəm. Baş rolda oynayacam”. Qalmaqallardan uzaq olduğunu deyən sənətçi “Bu yaxınlarda Kərim Abbasovla qalmaqal yaşadınız. İndi münasibətiniz necədir” sualını "Çox yaxşı filmdir" deyərək, cavabsız qoyub. Z.Hüseynov daha sonra “Mən heç kimin haqqında danışmıram. Qalmaqaldan uzaq insanam. Küsülü olduğum müğənni yoxdur. Nəsə deyəndə ümumi söyləyirəm, kim özünə götürürsə, mənlik deyil” deyərək, əlavə edib.

    Müğənni Nadir Qafarzadənin verilişlərin birinə qatılan zaman halı pisləşib. Sənətçiyə təcili yardım çağrılıb. N.Qafarzadə bunun hava dəyişikliyi ilə əlaqədar olduğunu bildirib:“Uzun müddətdir ki, Bakıda deyiləm. Təyyarədən bir az əvvəl düşüb, canlı yayıma gəlmişəm. Halım dəyişdi, pis oldum və ürəyim getdi. Yəqin ki, yorğunluqdan oldu”.

 

Əhəd Miriyev

 

MuzTv.az