Safurə Əliyevanın “S” adlı qalereyası

“Eurovision” təmsilçilərimizdən olan Safurə Əliyeva sosial şəbəkədə yeni fotolarını paylaşıb. 

     “Eurovision” təmsilçilərimizdən olan Safurə Əliyeva sosial şəbəkədə yeni fotolarını paylaşıb. Axşam.az-ın məlumatına görə, şəkillər Safurənin İstanbulda açdığı “S” adlı qalereyasında lentə alınıb. 

     Rəqqasə Oksana Rəsulova tədbirlərin birində fotokameralara tuş gəlib.“Qafqazinfo”nun məlumatına görə, rəqqasə üzərində olduğu geyimlərinin qiymətini açıqlayıb:“Bu üst geyimim, paltom brenddir. 1500 manatdır, təmiz dəridir. Bilirəm ki, bu düzgün deyil, ancaq nə edə bilərəm? Çantamın qiyməti 4500 manat, şalvarım 550 manatdır. Qiymət deməkdən xoşum gəlmir. Siz israr edirsiz...Ayaqqabım 850 manatdır. Koftam adidir, ucuzdur, 150 manat qiyməti var. Elə kəmərimdə 150 manat təşkil edir”.

    Müğənni Fədayə Laçın onu zövqsüz adlandıranlara cavab verib. İfaçı heç vaxt dəblə ayaqlaşmayacağını bildrib:“Mən modanı izləmirəm, dəblə ayaqlaşmıram. Mənim heç xəbərim yoxdur ki, bu il hansı rənglər aktual olacaq. Bir dəfə ətək geyindim, ələ saldılar. Dedim bir də qısa geyinmərəm. Sonra düşündüm ki, niyə geyinmirəm? Özlərinin ayaqları əyridir, kökdülər, efirə qısa, şortik geyinirlər. Onlara bir söz demirlər. Efirə heç vaxt şortiklə çıxmaram. Mənə irad tutanlar çəkilərinə fikir versinlər. Meymun baxar güzgüyə, adını qoyar özgəyə”.

    Müğənni Vüqar Muradovu özündən çıxarıblar. Müğənni İnstqramda onun ünvanına yazılanlardan yorulduğunu bildirib. Elə buna görə də sənətçi izlədiyi hər kəsi dostluqdan sildiyini deyib:“Əziz və dəyərli dostlarım, bu gündən mən heç kimi izləməyəcəm. Çünki əsəb və psixoloji baxımdan böyük əziyyət çəkirəm, heç bir iş-güc görə bilmirəm. Yuxum, əsəb sistemim pozulub. Burada izlədiklərim ən yaxınlarım və ailə üzvlərimdir. Artıq dərəcədə xahiş edirəm heç kim məndən inciməsin. İnstaqram məndə xəstəlik yaradıb. 24 saat İnstaqramda otururam, bu xəstəlikdən qurtulmaq istəyirəm. Fikrimə hörmətlə yanaşıb, dəyər verəcəyinizə əminəm. Haqqınızı halal edin. Hörmət, sevgi İnstaqramda izləməklə olmur. Sevgi insanın qəlbində olur. Sizi sevməyimə, dəyər verməyimə şübhəniz olmasın”.

 

 

Əhəd Miriyev

 

MuzTv.az