Həbsdə olan Deniz Sekidən xeyriyyə addımı

Həbsdə olan müğənni Deniz Seki gəlirinin fiziki məhdudiyyəti olan uşaqlara getməsi üçün köynəklər hazırlayıb.

   Həbsdə olan müğənni Deniz Seki gəlirinin fiziki məhdudiyyəti olan uşaqlara getməsi üçün köynəklər hazırlayıb.Axşam.az-ın Türkiyə mətbuatına istinadən məlumatına görə, köynəkləri həmkarı Demet Akalın təqdim edib. İfaçı köynəkləri satarkən kövrəlib:"Vəkillərimə təlimat verdim, inşallah yeni ilə qədər özüylə də görüşərəm. Tək istəyim odur ki, azadlığa çıxsın. Yetərincə cəza çəkdi. Bir dəfə qadınlar həbsxanasında konsert verdim, onda da Deniz xəstəxanada idi".

   Hollivud ulduzu Corc Kluninin 37 yaşlı vəkil həyat yoldaşı Amal Kluninin hamilə olması xəbərləri təsdiqini tapmayıb. Məşhur vizajistlərdən birinin Londondakı butikini açılışına qatılan Amal geyimi ilə bunu sübut edib. Göbəyiaçıq kofta və şortik geyinən vəkilin bədən quruluşu hamilə olmadığını göstərib. Qeyd edək ki, Amal Kluni gecəyə anası Bariya Alamuddinlə yollanıb. O, digər qonaqlarla səmimi fotolar çəkdirib.

   Apendisit əməliyyatı olunan müğənni Ebru Gündeşdən fanatlarına xoş xəbər var. “O səs Türkiyə” yarışmasının çəkilişlərindən sonra qarnında şiddətli ağrılar başlayan ifaçı dərhal xəstəxanaya yerləşdirilib. Əməliyyat olunan Ebru İnstaqram hesabından sevənlərinə səhhətinin yaxşı olduğunu xəbər verib:“Kiçik apendisit əməliyyatı olundum. Gözəl diləkləriniz üçün çox sağ olun”.

   Futbolçu Arda Turan sosial şəbəkədə sevgilisi Aslıhan Doğanı ad günü münasibətilə təbrik edib. Sevgilisinin uşaqlıq fotosunu İnstaqram səhifəsində paylaşan futbolçu yazıb:“Mənə həyatımı yaşadan qadın! Səni sevirəm. Ömrüm bu sifətə fəda olsun. Neçə gözəl illərə!”. 

 

Əhəd Miriyev

 

MuzTv.az