Yerli şou-biznes nümayəndələri başsağlığı dilədilər

"Günəşli” yatağında baş verən güclü yanğın hadisəsinə şou-biznes nümayəndələri münasibət bildiriblər.

     "Günəşli” yatağında baş verən güclü yanğın hadisəsinə şou-biznes nümayəndələri münasibət bildiriblər. Sənət aləminin tanınmış simaları sosial şəbəkədə qəzada həlak olanların ailəsinə başsağlığı diləyib. Xalq artisti Faiq Ağayev: "Allah rəhmət eləsin". Mələkxanım Əyyubova:“Çox dəhşətli bir faciədir. Gözlənilmədən belə bir təbii fəlakətin baş verməsi hamını dərindən sarsıtdı. Mən də öz və ailəm adından dünyasını dəyişənlərə Allahdan rəhmət diləyirəm. Ailələrinə başsağlığı verirəm”. Alim Qasımov:“Allah ölənlərə rəhmət eləsin. Amin. Allah vəfat edən neftçilərimizin ailələri və yaxınlarına səbr versin”. Brilliant Dadaşova:“Xalqımızın başı sağ olsun”. Aygün Kazımova:“Allah ölənlərə rəhmət eləsin. Bir ildə iki böyük yanğın və böyük sayda itki... 19 may və 4 dekabr... Başın sağ olsun Azərbaycan”.Mənsum İbrahimov:“Allah rəhmət eləsin”. Əməkdar artist Elza Seyidcahan:"Allah ölənlərə rəhmət eləsin. Sağ qalanlara kömək olsun, səbr versin".Gülyaz və Gülyanaq Məmmədovalar:“Günəşli” yatağında baş vermiş qəzada dünyasını dəyişmiş qardaşlarımıza Allah rəhmət eləsin. Ailələrinə və yaxınlarına Allah səbr versin”. Müğənni Sevda Yahyayeva: "Bu faciədə dünyasını dəyişənlərə Allah rəhmət eləsin". Müğənni Nadir Qafarzadə:"Allah rəhmət eləsin. Ailələrinə səbr diləyirəm".Müğənni-bəstəkar Murad Arif:“Aman Allahım! 32 nəfər, 32 ailə 32 can. Bu faciədir! Bir qarın çörək üçün bu soyuqda dənizdə çalışan qardaşlarımıza Allahdan rəhmət diləyirəm. Ağır dərddir. Bu axşamkı çıxışlarımı təxirə saldım. Xeyriyyə tədbirimiz də ləğv olundu. Belə gündə şənlənmək olmaz. Çox ağırdır”. Müğənni Çingiz Mustafayev:"Gürcüstanda bir səhər oyandım ki, Binəqədidə bina yanıb və çox sayda insan vəfat edib. İndi də Riqa şəhərindəyəm, hadisəni gördüm, çox pis oldum. Allah hər birinə rəhmət eləsin".Müğənni Rəqsanə İsmayılova:"Bir parça çörək üçün əziyyət çəkən insanlar... Bu dəhşətdir Allahım. Neçə ailə başsız, neçə bala atasız qaldı. Ürəyim qan ağlayır. Allahım, belə zülm olar?".Müğənni Miri Yusif: "Günəşli" yatağında baş vermiş yanğında həyatını itirən neftçilərimizə Allahdan rəhmət, ailələrinə baş sağlığı diləyirəm". Müğənni Natavan Həbibi: "Nə deyəsən? Nə danışasan? Allah rəhmət eləsin. 32 nəfər həyatını itirdi, 32 ailə hüzurunu, ailəbaşçısını, sevdiklərini, ümidlərini itirdi. Allah səbr versin". Müğənni İzzət Bağırzadə: "Allah səbr versin. Orada dünyasını dəyişən Azərbaycan oğullarına Allah rəhmət eləsin. Hamıya başsağlığı verirəm. Ağır hadisədir".Rəqqasə Oksana Rəsulova: "Yenə belə xəbər... Pis oldum mən. Allah dünyasını dəyişmiş insanlara rəhmət eləsin, ailələrinə səbr versin. Qəflətən bu xəbəri eşitmək və qəlbdən külə dönmək... 32 nəfər ölüb".

     Rusiyanın “Qolos” səs yarışmasının iştirakçısı Nərgiz Zakirovanın dekabrın 6-da Bakıda planlaşdırılan konserti təxirə salınıb.  Axşam.az-ın məlumatına görə, buna səbəb “Günəşli” yatağında baş verən qəza olub. Bu haqda N.Zakirova sosial şəbəkədə yazıb:“Mənim sevimli insanlarım! Bu hadisədən çox üzüldüm. Hazırda bizimlə birlikdə bu dünyada olmayanlara rəhmət, ailələrinə başsağlığı diləyirəm. Ümid ediəm ki, itən insanlar tapılacaq. Allah sizi qorusun. Azərbaycanda matəm günü elan olunması ilə əlaqədar konsertimiz təxirə salındı. Bakıdakı sevənlərimlə dekabın 23-də görüşəcəyik”.

     "O səs Türkiyə"nin dünənki buraxılışında növbəti azərbaycanlı çıxış edib.Leyla Rəhimova səhnədə Selami Şahinin repertuarından "Özledim" mahnısını səsləndirib. İfasıyla bütün münsifləri heyran edən 27 yaşlı həmyerlimiz onlar arasında mübahisəyə səbəb olub. Leylanı komandasında görmək istəyən müğənnilər Azərbaycandan yarışmaya gələn iştirakçıların çox güclü səs olduqlarını qeyd ediblər. Sonda L.Rəhimova Murad Bozu seçərək onun komandasına daxil olub. Qeyd edək ki, “O səs Türkiyə”nin münsif kürsüsündə müğənnilər Ebru Gündeş, M.Boz, Hadise, Gökhan və Hakan Özoğuz əyləşib.

    Türkiyədə yaşayan azərbaycanlı müğənni İradə İbrahimovanın həyat yoldaşı Ceyhun İzərlə yeni fotosu yayılıb. Şəkli ifaçının vizajist bacısı Nigar İbrahimova paylaşıb. 

Əhəd Miriyev

 

MuzTv.az