Türkan Şoray qızı Yağmurla Bakıya gəldi

Türk filminin Sultanı, Türkan Şoray və  qızı Yağmur Ünal Bakının qonağı olub. 

   Türk filminin Sultanı, Türkan Şoray və  qızı Yağmur Ünal Bakının qonağı olub. Sənətçi rejissorluğunu etdiyi “Uzaklarda arama” filminin qala gecəsi üçün Nizami Kino Mərkəzində sevənləri ilə görüşüb. Türkan Şorayın yolunu səbirsizliklə gözləyən azərbaycanlı seyirçilər, Sultanı böyük izdihamla qarşılayıblar. Bu dəfə aktrisa yox, rejissor kimi qarşımıza çıxan Türkan xanımın yeni filmində baş rollardan birini qızı Yağmur canlandırır.

   Hər zaman həyatda qızına dəstək olduğunu deyən Türkan xanım “Film çəkilişlərində necə, bir ana kimi, yoxsa peşəkar rejissor kimi hərəkət etməyə üstünlük verib” sualına belə cavab verib: “Çox xoşbəxtəm. Mənə qarşı o qədər səmimi münasibət göstərirsiniz ki, çox sevinirəm. “Uzaklarda arama” filmimizlə gəldik. Rejissorluğunu mən etmişəm, qızım çəkilib. Hazırda Azərbaycanda nümayişə girib. İnşallah, azərbaycanlı tamaşaçılar bu filmi sevərlər. Ana-qız bu filmdə olmaq çox həyəcanlı bir şeydir. Yəqin qızım Yağmur da bu həyəcanı hiss etdi. Rejissor olaraq qızıma qarşı sərt tələblərim də oldu. Yağmur bir az narazılıq edirdi. Çünki orada artıq ana deyildim, rejissor idim”.

 

Sevda Məmmədova

Çingiz Abdullayev

 

Muz-Tv.az