Röya Ayxan: “ Mən dəli qadınam”

Türkiyə mətbuatı müğənni Röya Ayxandan yazıb. Axşam.az-ın məlumatına görə, “Kesin bilgi” mahnısı ilə qardaş ölkədə tanınan sənətçi sualları cavablandırıb. 

   Türkiyə mətbuatı müğənni Röya Ayxandan yazıb. Axşam.az-ın məlumatına görə, “Kesin bilgi” mahnısı ilə qardaş ölkədə tanınan sənətçi sualları cavablandırıb. Xəbərdə ifaçının klipi ilə bağlı fikirləri yer alıb:“Klipdə 800 min lirəlik (təxminən 286 min manat) avtomobili parçalayan Röya Yasemin Şefikin “Ekran işində bahalı bir maşını parçalayırsan. Real həyatda sevgilinin maşınını bu hala salardın” sualına belə cavab verib:“Əlbəttə... Mən dəli bir qadınam. Əsəbiləşirəmsə, bahalı olub-olmadığını gözüm görmür”.

   Meyxanaçı Namiq Qaraçuxurlu istirahətə yollanıb. Bir müddət əvvəl toyu olan sənətçi bal ayını Çində keçirir. Gəzintidən fotolarını paylaşan N.Qaraçuxurlu “Özünüzə yaxşı baxın. Mən Şanxaya gedib gəlirəm” şərhini yazıb.

   Prodüser Tarix Əliyev (Tolik)müğənnilərin son vaxtlar vergi ödəməmək üçün getdikləri toyları dandığını iddia edib. O, açıqlamasına bunları bildirib:“İndi Nadir Qafarzadə də özünə “Əjdaha” demir. Artıq heç kim özünü “toylar kralı” adlandırmır. Kral və kraliça ifadələri yığışdırılır. Vergi söhbətləri artıb deyə, müğənnilər toylarını danır. Toy adı gələn kimi, başlayırlar ki, “Nə toy? Toy nə gəzir. Bütün günü evdəyik, toy yoxdur”.

   Müğənni Samir Piriyev “Gözəlim sənsən” adlı yeni mahnısını təqdim edib. Bəstənin sözləri və musiqisi Ruslan Əhmədoğluna məxsusdur. 

 

Əhəd Miriyev

 

MuzTv.az