Kərim: “Döymə dəmir qapımı, əzərəm taxta başını”

Əməkdar artist Mehriban Xanlarova və müğənni Kərim Abbasov arasında yaşanan qarşıdurma səngimək bilmir. 

    Əməkdar artist Mehriban Xanlarova və müğənni Kərim Abbasov arasında yaşanan qarşıdurma səngimək bilmir. Xanlarova Kərimin onun şərəf və ləyaqətini alçatdığını iddia edərək məhkəməyə müraciət edib. Abbasov isə bu barədə danışmaqdan imtina edib.Sənətçilərin məhkəmədə üzləşməyinə səbəb, Kərimin şəxsi İnstaqram səhifəsində əməkdar artist haqqında yazdığı tənqidlərdir. Abbasov isə qarşı tərəfin də onun şərəf və ləyaqətinə xələl gələcək sözlər işlətdiyini iddia edib: “ Bu haqda mənim vəkilim maraqlanır. Məhkəmə hələ davam edir. Vəkilimlə bir həftə əvvəl danışmışam, hər şey normaldır. Mən belə cılız şeylərə baş qoşmuram. Ele bil ki, kimsə kimisə öldürüb, heç nə olmayıb. Kimsə kiminsə şərəf və ləyaqətinə toxunubsa və burada məni günahkar bilirlərsə, heç bir sözüm yoxdur. Amma mənim də şərəf və ləyaqətimə toxunulub. Üzr istəmək kiçiklik yox, böyüklükdür. Əgər  o insan haqlıdırsa, mən üzr istəməyi sevirəm. Amma kimsə özü üçün atlanıb-düşürsə, o, mənim üçün maraqlı deyil”.

   Söhbət Kərimovun küsülü olduğu müğənni Zamiq Hüseynova gəlincə, Kərim yenə susmağa üstünlük verib: “Mənə maraqlı olmayan insan haqqında heç vaxt  danışmıram. Ağzımdan çıxan hər bir söz mənim üçün qiymətlidir. Mənim öz adım və öz istədiyim yerdəyəm. Həmişə demişəm, mərdə mərdəm, namərdin başını əzərəm. Döymə mənim dəmir qapımı, əzərəm sənin taxta başını”.

 

Sevda Məmmədova

Elfaq Lələyev

 

Muz-Tv.az