Ələsgər Məmmədoğlunun yoldaşı: “Ölümünün səbəbini bilmədi”

2015-ci ilin bitməsinə sayılı günlər qala bu gün daha bir sənətkarımızı, əməkdar artist Ələsgər Məmmədoğlunu itirdik.  

   2015-ci ilin bitməsinə sayılı günlər qala bu gün daha bir sənətkarımızı, əməkdar artist Ələsgər Məmmədoğlunu itirdik.  Hər kəsin gülərək xatırladığı aktyor bu dəfə heç də üzlərdə təbəssüm yaratmadı. Sadəliyi ilə sevilən əməkdar artist ona sadəcə Ələsgər deyilməsini sevirdi. Aktyorun həyat yoldaşı  onun ölümünün qəflətən baş verdiyini açıqlayıb. Aktyorun xəstəliyi belə onu sevimli teatrından ayıra bilmədi. Ələsgərin ən böyük arzusu yenə tamaşada oynamaq və çoxdandır darıxdığı alqış sədalarını eşitmək idi. Daim teatrda məşq edən, insanların arasında olan aktyora xəstəxanada yatmaq, sakit oturmaq yaraşmırdı. Bunu heç özü də özünə yaraşdırmırdı. Ələsgəri son mənzilə yola salmaq üçün illərdir yanında gördüyü həmkarları gəlmişdi. Təəssüf ki, bu dəfə o güldürə bilmədi və gözünü əbədi yumdu. Ələsgər Məmmədoğlu vəfat etsə belə, canlandırdığı obrazları ilə yaddaşlara yaşayacaq.

 

Rəvan Nasiroğlu

Elfaq Lələyev

 

Muz-Tv.az