Tarkan Yeni il qabağı 4 milyon qazandı

Türkiyənin meqastarı Tarkan 2016-ci ilə ən çox qazanan müğənni kimi daxil olacaq. 

    Türkiyənin meqastarı Tarkan 2016-ci ilə ən çox qazanan müğənni kimi daxil olacaq. Belə ki, Türkiyə mətbuatına istinadən yayılan xəbərlərə görə müğənni yeni ili səhnədə, öz sevənləri ilə qarşılayacaq və o, bu gecədən 1 milyon lirə (təxminən 500 min manat) qazanacaq. Yeni il axşamı Kiprdə səhnəyə çıxacaq müğənni eyni zamanda bir neçə gün əvvəl Türmənistanda prezident Kurbankulu Berdimhammedovun qonağı olaraq 3 milyon lirə (təxminən 1 mliyon 500 min manat) alıb.

    “O səs Türkiyə”nin növbəti buraxlışında duyğu dolu anlar yaşanıb. Belə ki, yarışmaya Şotlandiyadan qatılan Prenses Bekhem adlı yarışmacı hər kəsi ağladıb.  O, yarışmaya anasının istəyi ilə qatıldığını, amma iki həftə öncə anasının dünyasını dəyişdiyini  söyləyib. İfasıyla heç bir münsifi özünə döndərməyi bacarmayan Prenses Ebru Gündeşdən “Annem için” mahnısını ifa etməyi xahiş edib. Hadisə də səhnəyə çıxaraq onunla duet ifa edib.

    Müğənni Bülent Ərsoy yeni bir qalmaqalla yenidən gündəmə gəlib. “Posta”ya istinadən verilən xəbərlərə görə, mağazaların birində bəyəndiyi libasın ölçüsünü tapa bilməyən Bülənt qəribə bir qisas alıb. 4 min lirəlik (təxminən 2100 manat) libası bəyənən ifaçı onun 44 bədən ölçüsü mağazada olmadığı üçün paltarın bütün balaca ölçülərini alıb. Bunun üçün ifaçı 16 min lirə (təxminən 8500 manat) xərcləyib. Müğənni “Mənə qismət olmadısa, heç kimə qismət olmasın” deyərək bu addımı atıb.

   55 yaşlı məşhur aktyor Hyu Qrant 4-cü dəfə ata olub. Aktyorun bu dəfə qızı dünyaya göz açıb. Körpə Hyu aktyorun İsveçli teleprodüsser Anna Elizabet Eberşteynlə olan münasibətindən doğulub. Bu cütlüyün ikinci övladdıdır.  2012-ci ildə onların Hyu Con Munqo Qrant adlı oğulları dünyaya gəlmişdi. Qeyd edək ki, aktyorun çinli rəfiqəsi Tinqlon Honqdan Feliks adlı oğlu və Tabita Cjao Şi bir qızı da var.

 

Nərminə Abbasova

 

Muz-Tv.az