Türk kinosunun 101-ci ili qeyd olunub

Türk kinosunun 101-ci ili qeyd olunub. Axşam.az-ın Türkiyə mətbuatına istinadən məlumatına görə, "Yeşilçam" dövrünün ustad sənətçiləri səhnədə göz yaşlarını tuta bilməyiblər. 

   Türk kinosunun 101-ci ili qeyd olunub. Axşam.az-ın Türkiyə mətbuatına istinadən məlumatına görə, "Yeşilçam" dövrünün ustad sənətçiləri səhnədə göz yaşlarını tuta bilməyiblər. Gecədə Türkan Şoray, Filiz Akın, Selda Alkor, Selma Güneri, Cüneyt Arkın, Ediz Hun, İzzet Günay, Emel Sayın, Yusuf Sezgin kimi aktyor-aktrisalar və müğənnilər İşın Karaca, Bengü, İpek Açar, Hakan Peker və Burak Kut olub. Bərabər oynadıqları filmdən bir səhnə göstərildikdən sonra səhnəyə çıxan Filiz Akın və Cüneyt Arkın bir-birlərini qucaqlayaraq ağlayıblar. Gecədə Selda Alkorun libasi da maraqlı məqamlardan biri olub. Alkor "50 ildir yaşadığım gözəl anları libasımın üzərinə həkk elədim" deyərək geyimindəki fotoları göstərib.

    Aktrisa Məryəm Üzərli öz adını verdiyi kosmetika markasını təqdim etmək üçün mətbuat konfransı təşkil edib. Qızı Laranın fevralda 2 yaşının olacağını deyən aktrisa "övladımın atasız böyüməsi artıq önəmli deyil" deyib. Məryəm tədbir boyu qısa ətəyinə görə çətin anlar yaşayıb.

   “Eurovision – 2012” mahnı yarışmasında Türkiyəni təmsil edən müğənni Can Bonomo seriala çəkilib.  İfaçı “Ailə işi”ndə rol alıb. Çəkiliş meydançasından fotolarını sosial şəbəkədə paylaşan Can serialın musiqilərini özünün yazdığını bildirib. Qeyd edək ki, “Ailə işi”ndə Pelin Akil, Ufuk Özkan, Füsun Demirel, Hasibe Eren, Murad Akkoyunlu kimi tanınmışlar yer alıb. 

    Qazdağında özlərinə toy edən aktrisa Ceyda Düvenci ilə aktyor Bülent Şakrakı ilk ziyarət edən məşhur Hazal Kaya olub. Hazırda bal ayında olan cütlüyə qonaq gedən gənc aktrisa onlarla çəkilmiş fotosunu sosial şəbəkədə paylaşıb. Hazal İnstaqram səhifəsində yerləşdirdiyi şəklə “Bir günlük evli ikən biz” sözlərini yazıb. 

 

Sevda Məmmədova

 

Muz-Tv.az