İlhamə Quliyevanın xəstəxanadan çıxdıqdan sonra ilk fotoları yayılıb

Xalq artisti İlhamə Quliyevanın xəstəxanadan çıxdıqdan sonra ilk fotoları yayılıb. 

     Xalq artisti İlhamə Quliyevanın xəstəxanadan çıxdıqdan sonra ilk fotoları yayılıb. Axşam.az-ın məlumatına görə, müğənninin fotolarını aparıcı İlahə Nazimqızı sosial şəbəkədə paylaşıb. O, fotolara “Gözəl ürəyə malik olan insan, sevilən sənətkarımız İlhamə xanımın evində. Unudulmaz sənətkarımız Tükəzban xanımın (xalq artisti Tükəzban İsmayılova - red.) anım günü. Çox şükür İlhamə xanımın səhhəti artıq əvvəlkindən də yaxşıdır” şərhini yazıb.

    Bu gün xalq artisti Nazpəri Dostəliyevanın ad günüdür.  56 yaşını qeyd edən müğənni ilk təbriki nəvəsi Tamerlandan aldığını bildirib: “Tamerlanım Moskvadan çiçək göndərib. Kərim balam da əlindəki güllə məni sevindirdi. Allah bütün analara övlad təbriki nəsib etsin. Allah balaları saxlasın”. Qeyd edək ki, N.Dostəliyevanın iki oğlu, üç nəvəsi var.

    “Eurovision” təmsilçilərimizdən olan Dilarə Kazımova “Running” adlı yeni sinqlını təqdim edib.  Sənətçi yeni mahnısına klip də çəkdirib. Kiyevdə lentə alınan ekran işinin rejissoru Tanyo Muinodur.

     Tanınmış modelyer Tolqa Çam İzmirdə “Night Out Shopping” çərçivəsində dəfilə keçirib. Gecədə podiuma çıxanlar arasında azərbaycanlı model Sima Şərafətdinova da yer alıb. Autizm xəstəliyindən əziyyət çəkən uşaqlar üçün keçirilən dəfilədə Sima bir-birindən cəsarətli libaslar nümayiş etdirib. Gecənin qonaqları arasında modelyer İvana Sərt və model Günay Musayeva olub.

 

Sevda Məmmədova

 

Muz-Tv.az