Meray Kerinin milyarder sevgilisi ilə yaxta istirahəti

Milad bayramını ABŞ-da keçmiş həyat yoldaşı ilə qeyd edən müğənni Meray Keri yeni ilin ilk gününü Melbrunda milyarder sevgilisi ilə qarşılayıb.

   Milad bayramını ABŞ-da keçmiş həyat yoldaşı ilə qeyd edən müğənni Meray Keri yeni ilin ilk gününü Melbrunda milyarder sevgilisi ilə qarşılayıb. Axşam.az “Dailymail” istinadən xəbər verir ki, ifaçı sevgilisi Ceyms Paker və əkizləriylə yaxtada dincəlib. Gəmidən enərkən paparassilərin hədəfində olan cütlük çox səmimi olub. Uzun, sarı güllü libas geyinən Meray oğlu Morokkonun əlindən tutub. Ceyms tez-tez müğənnini öpüşlərə qərq edib.

   Müğənni-aktrisa Cennifer Lopez “İnStyle” jurnalı üçün fotosessiya etdirib. 46 yaşlı ifaçı dərgiyə müsahibəsində arzularından danışıb. Əsasən ağ-qara geyimlərdə obyektiv qarşısına keçən Cey Lo hər zaman “ağ atlı şahzadə”sini gözlədiyini deyib: “Bütün qızlar kimi gənc yaşlarımdan mənə xoşbəxtlik gətirəcək insanı gözləmişəm. Mənim də, sadəcə olaraq, xoşbəxt yaşamağa ümidim olub. İndiyədək görüşdüyüm bütün kişilərə onunla həyatımı keçirə biləcəyim biri kimi yanaşmışam. Ancaq sonra dərk edirsən ki, insan sadəcə öz xoşbəxtliyini yaşamalıdır. Bütün bu münasibətlər isə mənim üçün xoş səyahətə çevrilib”.

   Daha əvvəl də adı bir çox məşhurla eşq dedi-qodularında hallanan müğənni Castin Biber sosial şəbəkədə paylaşdığı fotosu ilə gündəmə çevrilib. Kanadalı pop ulduz İnstaqram səhifəsində model-rəqqas Heyli Bolduinlə dodaq-dodağa öpüşərkən çəkilmiş şəklini yerləşdirib. Bununla da iki gün əvvəl məkanların birində poz verən cütlüyün sevgili olması xəbərləri təsdiqini tapıb. Qeyd edək ki, Castinlə Heyli 13 yaşlarından bir-birlərini tanıyırlar. H.Bolduin məşhur rejissor Stefan Bolduinin qızıdır. 

    Müğənni Demet Akalının ardından illərdir küsülü olduğu həmkarı Hande Yener də kənd məktəblərinə dəstək vermək üçün işə başlayıb.H.Yener Akalının liderlik etdiyi "Forum kitabxanalar" layihəsi çərçivəsində mübahisə və küsülülüyü təhsilin inkişafı üçün müvəqqəti də olsa, unudub. O, məktəblərdən birində açılan kitabxananın açılışına qatılıb: "Gələcəyimizə sahib çıxaq. Uşaqlar haqda olan bütün sosial layihələrdə yer almağa çalışıram".

 

Əhəd Miriyev

 

MuzTv.az