Abbas Bağırov: “ Toya 13 minə yox, 5 min manata gedirəm”

Müğənnilərin 2016-cı ildə toy qiymətləri açıqlanıb. Big.az xəbər verir ki, siyahıya yalnız hazırda tələbatlı olan və toylara digər həmkarlarına nisbətən daha tez-tez çağırılan müğənnilər daxildir.

    Müğənnilərin 2016-cı ildə toy qiymətləri açıqlanıb.Big.az xəbər verir ki, siyahıya yalnız hazırda tələbatlı olan və toylara digər həmkarlarına nisbətən daha tez-tez çağırılan müğənnilər daxildir. Siyahıda birinci yeri isə Abbas Bağırov tutub. Belə ki, müğənninin toya 13 min manat qarşılığında getdiyi bildirilib. Qeyd edək ki, digər müğənnilərdən fərqli olaraq Abbas Bağırovun toya yüksək məbləğdə getməsi ictimaiyyətdə müzakirələrə yol açıb.Müğənni açıqlamasında isə toya 13 min manata yox, 5 min manata getdiyini bildirib: "Çox səhv yazıblar. Mən toya 13 minə yox, 5 min manata gedirəm. Məndən soruşmadan haqqımda yalandan məlumat yazıblar. Mən bütün gün medianı izləmirəm ki, haradan bilim, haqqımda nə danışırlar. İradımı bildirmişəm, açıqlamanı da indi sizə verirəm".

   Əməkdar artist Röya Ayxan sosil şəbəkədə hamiləlik fotosunu paylaşıb. Axşam.az-ın məlumatına görə, müğənni bu şəkildə 100 kiloqram olduğunu bildirib.İfaçı daha sonra arıqlama sirrini açıqlayıb:“Bu fotonu paylaşmaqda məqsədim o idi ki, kim istəsə arıqlayar. Bu çox gözəl andı, çünki canımda can var. Şəkil çəkilən günü 100 kiloqram idim. Bu gün isə 48 kiloqramam. Mənə baxın və stimul alın. Çox maraqlıdır necə arıqladım? Əvvala onu deyim ki, heç bir dərman qəbul etmədim.Məni ayaqda saxlayan qarabaşaq, qatıq, pendir, kələm, kahı, xiyar oldu. Çox halsız olanda limonla şirinçay içirdim. İnanmayacaqsınız, hətta düşbərəni belə bişirib, ancaq suyunu içirdim. 6 ay belə davam etdim. Sonra istəsəm də yeyə bilmədim. Çünki mədəm balacalaşdı və oldum sizin Röya”.

   Əməkdar artist Tünzalə Ağayeva Türkiyədən film təklifi alıb.Film təqdimatına qatılan əməkdar artist bu haqda jurnalistlərin suallarını cavablayarkən deyib: “Son vaxtlar filmlərə az baxıram, vaxtım olmur. Yerli və türk rejissordan film təklifi almışam. İki filmdə də açıq-saçıq kadrlar olduğu üçün çəkilmədim. Komediya janrında olan filmlərdə rol almaq istəyərəm. Yumor hissim güclüdür. İctimaiyyətdə özümü ciddi apardığım üçün insanlar mənim qaraqabaq olduğumu düşünür. İki böyük arzum var, heç biri gerçəkləşməyib. İstəyirəm ki, Azərbaycanda müzikl yaradılsın və ya hansısa məşhur müziklda rol alım. Bir də filmdə çəkilməyi arzulayıram”.

    Müğənni Xəyyam Nisanov bayram istirahətini Fransada keçirib. Sənətçi gəzinti zamanı keçmiş milyarder Telman İsmayılovun qonağı olub. X.Nisanov iş adamı ilə birlikdə çəkdirdiyi fotosunu sosial şəbəkədə paylaşaraq təəssüratlarını yazıb:“Hörmətli və xeyirxah insan Telman müəllim, artıq neçənci ildir ki, Yeni ilin ilk günlərini sizinlə bir yerdə keçiririk. Sizin qonağınız olmaq mənim üçün böyük şərəfdir”.X.Nisanov eyni zamanda SSRİ xalq artisti Genadi Kazanovla da fotosunu paylaşıb.

 

Əhəd Miriyev

 

MuzTv.az