Çağatay Ulusoy və Leyla Lidiya Bakıda

Yolu səbirsizliklə gözlənilən, Türkiyənin ən tanınmış simalarından olan Çağatay Ulusoy və Leyla Lidiya Bakının qonağı olub.

    Yolu səbirsizliklə gözlənilən, Türkiyənin ən tanınmış simalarından olan Çağatay Ulusoy və Leyla Lidiya Bakının qonağı olub. Məşhurların ölkəmizə gəlməsinin səbəbi rol aldıqları “Delibal” filminin qala gecəsinə qatılmaq olub. Nizami Kino Mərkəzində baş tutan premyerada aktyor və aktrisa böyük coşqu ilə qarşılanıblar.  Filmlə bağlı Çağatay bunları söyləyib: “Burada çox gözəl qarşılandıq, müsbət enerji aldım. Normal həyatımda da romantik biriyəm. Amma filmdəki Barış obrazından fərqli olaraq, duyğularımı çox büruzə vermirəm. Çəkilişlərimiz gözəl keçdi. Bircə istidən əziyyət çəkdik. Ssenariyə uyğun olaraq bədənimizə 11 döymə etdirdik. O da qalıcı yox, müvəqqəti döymə idi. İstidən tərləyirdik, axıb gedirdi”. Film üçün imicini dəyişən yaraşıqlı Ulusoy, filmdə sevən adam obrazını yaradıb. Çağatay, aktyorluğu ilə yanaşı seriallarda mahnı oxumağı ilə də sevilir. Sənətçi “Delibal” filmində də bu bacarığından istifadə edib. Ulusoyla yanaşı ekran əsərində Leyla da ifası ilə maraq doğurub.

 

Sevda Məmmədova

Elfaq Lələyev

 

Muz-Tv.az