Röya Ayxanın “Kesin bilgi” adlı mahnısı plagiat olduğu deyilir

Müğənni Röya Ayxanın "Kesin bilgi" mahnısı ilə bağlı yeni iddia irəli sürülüb. 

    Müğənni Röya Ayxanın "Kesin bilgi" mahnısı ilə bağlı yeni iddia irəli sürülüb. Axşam.az-ın məlumatına görə, sosial şəbəkədə mahnının plagiat olduğu ilə bağlı xəbər yayılıb. Belə ki, musiqinin Rumıniyanın tanınmış ifaçısı Mattyasın oxuduğu "Missing you" bəstəsinə bənzədiyi iddia olunur. Mattyasin mahnını 2010-cu ildə oxuyub və ona klip də çəkdirib. Qeyd edək ki, "Kesin bilgi" mahnısının söz və musiqisi türkiyəli ifaçı Gülşənə məxsusdur. Bəstənin aranjimanını isə Ozan Çolakoğlu edib.

    Əməkdar artist Aybəniz Haşımova müğənni qızı Aynişan Quliyevanın "O səs Türkiyə" layihəsindəki çıxışından danışıb. İfaçı açıqlamasında  övladının bu addımından xəbərsiz olduğunu deyib:"Səhhətimdə problem olduğu üçün bir müddət Türkiyəyə gedib-gələ bilmədim. Bir dəfə İstanbulda Məlahət xanımla oturmuşduq. Birdən efirdə anons getdi. Qulağıma doğma səs gəldi. Döndüm ki, nə baş verir? Mən də, Məlahət xanım da Aynişanı orada görüb şoka düşdük. Soruşuram ki, "Aynişan bu nədi?". Dedi, "Özümü imtahan edirdim. Görüm bacaracam". Əgər əvvəlcədən xəbərim olsaydı tərəddüd edərdim. Yaxşı ki, mənə deməyib. Yarışmalar fərqlidir. Mən özüm də belə yarışmalarda münsif olmuşam. Gündə nə qədər səs dinləyirsən. Hərdən yorulub, istedadlı birini bilmədən seçmirsən. Ona görə də bu iş bir az təhlükəlidir. İstedadlı biri kənarda qala, qırıla bilər. Amma Murad Bozun səhnəyə çıxıb "Gəl ey səhər" mahnısını ifa etməsi mənim üçün əsl hədiyyə idi".

    Müğənni Sevda Yahyayeva konsertə hazırlaşır.Tədbir yanvarın 23-də şəhər restoranlarından birində baş tutacaq.  S.Yahyayeva hazırda məşq etdiyini bildirib. O, gecədə sevilən mahnılarını canlı ifa edəcək.

   Aktyor Elnur Kərimov 9 illik dostundan ayrılıb.O, bu haqda açıqlamasında deyib:"9 il yaxın dostum olan birini müşahidə etdim. Sonda ona dedim ki, "sağ ol", ayrıldım. Hər gün gördüyüm biri idi. Onun məndən istifadə etdiyini, mənə qarşı eqoistliyini gördüm. Əgər biri sənə qarşı bu hissləri keçirirsə, ondan uzaq olmalısan. İndi o adamı görəndə "salam" da vermirəm".

 

Əhəd Miriyev

 

MuzTv.az