Gülyanaq Məmmədova yeni klipini təqdim etdi

Xalq artisti Gülyanaq Məmmədova “Küskün mələyim” adlanan yeni mahnısını və klipini təqdim edib. 

     Xalq artisti Gülyanaq Məmmədova “Küskün mələyim” adlanan yeni mahnısını və klipini təqdim edib. Axşam.az-ın məlumatına görə, müğənni mahnını gənc ifaçı Nurlan Azəroğlu ilə duet şəklində oxuyub. Bəstənin sözləri və musiqisi Abış Surxayoğluna məxsusdur. Ekran işinin həlli rejissor Natiq Novruzova həvalə olunub.

    Əməkdar artist Elza Seyidcahan şeirlərindən ibarət kitabhazırlayır. Müğənni açıqlamasında kitabın “Mən dəlinin rəssamı” adlandığını bildirib:“Şeirlərim rus və ingilis dilinə də tərcümə edilib. Kitab üç dildə işıq üzü görəcək. Kitabın adı da maraqlıdır: “Mən dəlinin rəssamı”. Çoxları elə başa düşür ki, bunun açması sevgilimdir. Amma oğlum Əkbər kitabımın adını eşidən kimi başa düşdü ki, mən Allahı nəzərdə tutmuşam. “Mən dəlinin rəssamı” ancaq Tanrı ola bilər”.E.Seyidcahan bu yaxınlarda sosial şəbəkədə yayılan “Şeytana papış” şeirindən də bəhs edib:“Bu şeirim insanlar arasında daha da maraq doğurdu. Almaniyadan, İrandan şeirimlə maraqlanıblar, bəyəniblər. Bu da məni çox sevindirir”.

    Hazırda Hindistanda olan rəqqasə Oksana Rəsulova məşhur aktyor Dharmendra Deolun evində qonaq olub. Sənətçi aktyorla bağlı təəssüratlarını yazıb:“Hindistanın məşhur Bollivud aktyoru Dharmendra Deolun Lunavala qəsəbəsində yerləşən rançosunda qonaq olduq. Mən artıq ikinci dəfədir ki, onun evində qonaq oluram. Birinci dəfə Şəhriyar Əbilovla birlikdə onun Mumbay şəhərindəki evinə çəkiliş üçün getmişdik. Sadəcə demək istəyirəm ki, əziz dostlar, arzunuzun dalınca gedin. Məni qınayanlar çoxdur. Sual verirlər ki, “Niyə bura gəlmişəm?”. Uşaqlığımda onları realda görmək arzusunda idim. Gördüm. Bəli, sevinirəm, həm də çox istəyirəm ki, hər kəs ürəyində olan öz arzusuna çatsın. Amin! Bu aktyor haqqında bir onu demək istəyirəm ki, böyük insandır. Necə gözləri saf görünür, baxışları təmizdir, eləcə də ürəyi saf və çox genişdir. Mən bu aktyoru dəhşət çox istəyirəm. Allah ona ömür versin”.

    Məşhur pop-hip-hop ifaçısı Ciqan Bakının qonağı olacaq. Sənətçi yanvarın 30-da şəhər restoranlarından birində konset verəcək. Mahnıları bütün radiolarda səsləndirilən və top 10-luqlara düşən Ciqan sevilən bəstələrini bu dəfə azərbaycanlı pərəstişkarları üçün səsləndirəcək.

 

Əhəd Miriyev

 

MuzTv.az