Nüşabə Ələsgərli: “Özümü heç vaxt bağışlamayacağam”

Əməkdar artist Nüşabə Ələsgərli dünyasını dəyişən anası Solmaz xanımdan yazıb. 

    Əməkdar artist Nüşabə Ələsgərli dünyasını dəyişən anası Solmaz xanımdan yazıb. Axşam.az-ın məlumatına görə, müğənni anasının ölümündə həkimi günahlandırıb:“Ana, sənə qurban olum. Əllərinin istisinə o qədər ehtiyacım var. Mən səni qüvvətli bilirdim. Bütün yaşadığın illərdə səni bir dəfə də olsun xəstə yatan görmədim. Bir dəfə oldu, onunla da getdin. Məni həkimlər çaşdırdılar. Ümidim çox idi ki, qolundakı iynələrin göyərmiş yerləri sağalsın, səni xaricə aparacam. Birdən-birə hər şey dəyişdi. Kaş avqustun əvvəli olardı, mən səni yenidən müalicə etdirməyə başlayardım, amma burada yox. “Professorun” qoyduğu diaqnoz gözünə girsin. Bir az da səhv müalicəsi səni tez apardı. Gözəl anam, məni bağışla, mən günahkaram. Sən bağışlasan belə, mən özümü heç vaxt bağışlamayacağam”.

    Natavan Həbibi dünən Türkiyədə baş verən terrordan təsirlənib. Gecce.az xəbər verir ki, müğənni bu hadisədən sonra Yeni ilin ilk ayının uğursuz gəldiyini qeyd edib:"Yeni ilin ilk ayı çox da ürəkaçan olmadı. Sevindirici xəbərlər eşidəcəyimizi gözləyərkən, ardıcıl üzücü xəbərlərlə rastlaşırıq... Bilərəkdən günahsız insanların həyatına son vermək, insanlığa sığmayan əməldir. Terror törədənlər Yaradana qarşı çıxmıb. Onun insanlar üçün göstərdiyi yolu kəsməyə çalışanlardır. Hər hansı bir ölkənin, millətin birliyini, hüzurunu bu cür əməllərlə pozmaq istəyən lənətlənmiş insanların Allahdan tezliklə cəzalarını almağını və bu cür halların bir daha təkrarlanmamasını diləyək"

    Müğənni Ayan Babakişiyevanın başına iş gəlib.Əkiz qardaşı Samir Babakişiyevin İnstaqram səhifəsinin oğurlandığını bildirən sənətçi hər kəsə müraciət edib:“Əziz dostlarım və jurnalistlər, qardaşım Samirin “Facebook” və İnstaqram səhifəsini neçə gündür başqa insanlar idarə edir. Lazımsız paylaşımlar olur. Hamı bilir ki, artıq 2 ildir lazımsız insanlardan mənə zərbələr gəlir. Bu da onlardan biridir. Mən Ayan Babakişiyeva və mənim ailəm dövlətimizə, prezidentimizə və qanunlarımıza hörmət bəsləyirik. Yayılan şayiələrə inanmayın. Çalışırıq qardaşımın səhifəsini bağlayaq”.

    Rəqqasə Oksana Rəsulova İnstaqramdakı profilini rəsmiləşdirib. Sənətçi bu haqda sosial şəbəkədə yazıb:“Nəhayət ki, mənim də adım İnstaqramda göy işarə ilə qeyd olundu. Dünya ulduzları sırasına xoş gəldim. Bunu Azərbaycanda məşhurlar arasında birinci mən aldım”.Qeyd edək ki, İnstaqramda profilin rəsmi olduğunu bildirən bu göy işarəni almaq üçün müəyyən məbləğ ödənilməlidir. O.Rəsulovanın "oksana_rasulova" adlı profilində 293 min izləyicisi var.

 

Əhəd Miriyev

 

MuzTv.az