Natiq Şirinov: “Supermarketim və avtomobil salonum var”

Komandasına yeni üzvlər əlavə edən əməkdar artist Natiq Şirinov oğlu Ümid və qrupu ilə birlikdə məşq zamanı görüntülənib. 

    Komandasına yeni üzvlər əlavə edən əməkdar artist Natiq Şirinov oğlu Ümid və qrupu ilə birlikdə məşq zamanı görüntülənib. Komandasının sayını çoxaldan əməkdar artist bu barədə açıqlama verib. Sənətçi hətta qrupun idarə olunması kimi məsuliyyətli işi oğlu Ümidin öhdəsinə buraxıb: “ Komandaya bekvokalçılar qəbul olunub. Bu işi isə Ümidin öhdəsinə buraxmışam. Sənətdən uzaqlaşmıram. Hələ qocalmamışam. Sadəcə olaraq Ümid həm mənimlə, həm də özəl olaraq işləyəcək”. Hazırda şou- biznes nümayəndələri daha çox vergi borcları ilə gündəmə gəlirlər. “Natiq Şirinovun necə, gəlirini gizlədib vergidən yayınmağa çalışan məşhurlar sırasında adı çəkilə bilər” sualına əməkdar artist belə cavab verib: “ Bir “zapravka”m, supermarketim, ətir mağazam və avtomobil salonum var (gülür). Hamısını nağaramla qazanıram. Bu işdə milyonlar var, söhbet puldan yox, mənəviyyat milyonundan gedir”.Sənəti ilə bağlı suallara cavab verən əməkdar artist, özünü dünyaca məşhur müğənni, mərhum pop ulduzu Maykl Ceksonla müqayisə edib: “Mənim üçün həyatda bir ulduz var. O da Maykl Ceksondur. Onun adını kimə desən, tanıyacaq. Hətta Afrikada yarpaq geyinən insanlar da. Heç dünyada Luciano Pavarottini Maykl Cekson qədər tanımırlar. Baxmayaraq ki, Pavarottinin sənəti ilə Maykl Cekson sənəti arasında fərq var. Bu gün dünyada yeganə insan Natiq Şirinovdur ki, şousuz bir saat yarım konsert verirəm. Bununla da dünyanın bir neçə yerində bizi qəbul ediblər”.

 

Sevda Məmmədova

Elfaq Lələyev

 

Muz-Tv.az