Elza Seyidcahan: “Toylarımın sayı azalıb”

Əməkdar artist Elza Seyidcahan toy qiymətində dəyişiklik etməyəcək.

    Əməkdar artist Elza Seyidcahan toy qiymətində dəyişiklik etməyəcək.İfaçı bu haqda açıqlamasında bildirib:“Bütün dünyada böhran problemi yaşanır. Tək Azərbaycan əziyyət çəkmir ki...Mən ölkədəki bahalaşmanı və ya ucuzlaşmanı hiss etmirəm.Mənim də maddi problemlərim var. Amma bununla barışmağa çalışıram. Çıxıb bu halda şikayətlənmək lazım deyil. Əvvəlki kimi gündə beş dəfə yox, 3 dəfə yeyərəm. Mənim də toylarımın sayı azalıb. Amma toy qiymətimi aşağı salmamışam. Çünki məni sevib, məclisinə dəvət edənə hər zaman güzəştə getmişəm. Elə insan var ki, məni məclisində görmək istəyir, imkanı qonorar ödəməyə çatmır. Eləsinin məclisinə gedib, 2 mahnı hədiyyə etmək məndən heç nə almır. İnsanların könlünü şad edərəm, onun da duası mənə həyatımın hansısa məqamında kömək olar. İnsanın kasıb-varlı günü olar. Buna görə təşvişə düşmək lazım deyil. Hər halda bir çarə tapılacaq”.

   Əməkdar artist Röya Ayxan dostlarından şikayətlənib. Axşam.az-ın məlumatına görə, müğənni açıqlamasında pis dostlarını tanıdığını bildirib:“Sən hamının fikrini bilmək istəyirsənsə, get uzaqda yaşa. 2 ay İstanbulda qaldım, hamını tanıdım. Kimsə məni axtarmırdı. Nə oldu, Bakıda hər gün bir yerdə idik? İstanbulda evdə otururam, ürəyim partlayır. Özüm Abbas Bağırova, Xəyyam Nisanova yazırdım. Amma insan istəyir ki, kimsə də səni axtarsın. Uzaqlaşanda yaddan çıxırsan".  R.Ayxan 2016-cı ildə edəcəyi layihələrindən də danışıb:“Deyirlər ki, bu il ən yaxşı Əkizlər bürcünün sakinlərinə düşəcək. Bir aydan sonra bomba partladacam. Sevdiyim bir sənətçi ilə işbirliyim oldu. Onunla çalışmaq möhtəşəm idi. Yaxın günlərdə nəticəni görəcəksiniz. Bu il Röya tam fərqli gəlir. Gülşənin mahnısından sonra fasilə verməyəcəkdim. Amma dedi ki, “Mahnılarım çətindir, ara verin”. Nə vaxtsa yanında çalışdığım, əlindən su içdiyim bir adamın bəstələrini oxuyacam”.

     Müğənni Günay İbrahimlinin avtomobilinin şüşələrini sındırıblar.Gecce.az  xəbər verir ki, bu barədə müğənni açıqlamasında danışıb:"Tədbirlərin birindən çıxıb maşına yaxınlaşdım. Qapını açmaq istəyəndə gördüm ki, şüşə yoxdur, qırıntıları yerə tökülüb. Mənimlə birlikdə gələn dostumun əl çantasını götürmüşdülər. Amma mənim çantam, içində pulum, sənədlərim var idi. Ona dəyməmişdilər. Şüşələri düzəltdirdim, amma şikayət etmədim. Sənədlərim getsəydi, şikayət olacaqdı. Düşünürəm ki, bunu məni tanıyan adam edib. Təxribat ola bilər". 

    Məşhur müğənni Linda Bakıya gələcək. İfaçı mayın 14-də otellərin birində konsert proqramı ilə çıxış edəcək.Qeyd edək ki, Qazaxıstanda dünyaya gələn və Rusiyanın tanınmış ifaçılarından olan Linda “Vorona” mahnısı ilə məşhurdur.

 

Əhəd Miriyev

 

MuzTv.az